काठमाडौं । शिखर इन्स्योरेन्स कम्पनी लिमिटेडले वार्षिक साधारण सभा बोलाएको छ । सभा आगामी फागुन १३ गते काठमाडौंको थापाथलीमा रहेको कम्पनीको केन्द्रीय कार्यालयमा बिहान ११ बजे बोलाएको हो ।
सभाले गत आवका लागि प्रस्तावित १० प्रतिशत बोनस सेयर रसाथै, सभामा आर्थिक वर्ष सभामा २०८०/८१ को वार्षिक प्रतिवेदन, नाफा–नोक्सान तथा नगद प्रवाह विषयमा छलफल हुनेछ । त्यस्तै, आर्थिक वर्ष २०८१/८२ का लागि लेखापरीक्षक नियुक्ति गर्ने र निजको पारिश्रमिक निर्धारण गर्ने पनि एजेण्डा रहेको छ ।
साधारण सभा तथा लाभांश वितरण प्रयोजनका लागि कम्पनीले माघ ३० गतेदेखि फागुन १३ गतेसम्म बुक क्लोज गर्ने भएको छ । यसर्थ, माघ २९ गतेसम्म कायम रहने सेयरधनीले मात्र सभामा भाग लिन र प्रस्तावित लाभांश पाउन सक्नेछन् ।
वि.सं.२०८१ माघ २२ मंगलवार १०:५४ मा प्रकाशित
