काठमाडौं । आज माघ २४ गते बिहीबार, हिमालयन लाइफ इन्स्योरेन्सको लाभांश सुरक्षित गर्ने अन्तिम दिन रहेको छ। इन्स्योरेन्सले साधारण सभा तथा लाभांश वितरण प्रयोजनार्थ भोली माघ २५ गते शुक्रबार बुकक्लोज गर्दैछ।
यसर्थ, आजसम्म कायम शेयरधनीहरुले मात्र इन्स्योरेन्सको साधारण सभामा भाग लिन र इन्स्योरेन्सले वितरण गर्ने लाभांश प्राप्त गर्न सक्नेछन्।
कम्पनीले हाल कायम चुक्ता पूँजीको १४ प्रतिशत बोनस शेयर र बोनस शेयरको कर प्रयोजनार्थ नगद लाभांश शेयरधनीहरुले नै भुक्तानी गर्नुपर्ने प्रस्ताव गरेको छ ।
सोही प्रस्तावसहित कम्पनीले फागुन ११ गते, आइतबार, अनुपम फुडल्याण्ड एण्ड बैंक्वेट, बत्तिसपुतली, काठमाडौँमा १७ औँ वार्षिक साधारण सभा बोलाएको छ। सभा बिहान साढे १० बजे शुरु हुनेछ।
वि.सं.२०८१ माघ २४ बिहीवार ०६:५४ मा प्रकाशित
