काठमाडौं । सिटिजन लाइफ इन्स्योरेन्स लिमिटेडले चालु आर्थिक वर्षको दोस्रो त्रैमाससम्मको अपरिष्कृत वित्तीय विवरण प्रकाशित गरेको छ। प्रकाशित विवरण अनुसार चालु आर्थिक वर्षको दोस्रो त्रैमाससम्म आइपुग्दा इन्सुरेन्सले २३ करोड ९ लाख रुपैयाँ खुद नाफा कमाएको छ । यो नाफा गत वर्षको भन्दा ८६.७८ प्रतिशतले धेरै हो । गत वर्षको यसैअवधिमा कम्पनीले १२ करोड ३६ लाख रुपैयाँ खुद नाफा आर्जन गरेको थियो ।
समिक्षा अधिसम्ममा कम्पनीले लगानी तथा कर्जाबाट हुने आम्दानी २८.३३ प्रतिशतले बढेर ९५ करोड ६ लाख रुपैयाँ पुगेको छ । गत वर्षको यसैअवधिमा कम्पनीले लगानी तथा कर्जाबाट ७४ करोड रुपैयाँ आम्दानी गरेको थियो ।
कम्पनीको प्रतिसेयर आम्दानी ५ रुपैयाँ १३ पैसाले बढेर ११ रुपैयाँ ७३ पैसा कायम भएको छ । यसको प्रतिसेयर नेटवर्थ १८१ रुपैयाँ ८२ पैसा छ ।
यस अवधिमा कम्पनीको खुद बिमा शुल्क आर्जन २३.६९ प्रतिशतले बढेर ३ अर्ब १८ करोड रुपैयाँ पुगेको छ । पुस मसान्तसम्म आइपुग्दा कम्पनीको चुक्ता पुँजी ३ अर्ब ९३ करोड रुपैयाँ रहेको छ । इन्स्योरेन्सको रिटेन्ड अर्निङमा ८३ करोड ८० लाख रुपैयाँ रहेको छ ।
वि.सं.२०८१ माघ २८ सोमवार ११:५० मा प्रकाशित
