काठमाडौं । एनएमबि बैंकको सञ्चालक समितिले प्रमुख कार्यकारी अधिकृत (सिइओ) पदमा नयाँ नेतृत्व चयन गर्ने निर्णय गरेको छ। बैंकको २०८१ फागुन २३ गते, शुक्रबार बसेको सञ्चालक समितिको बैठकले हालका सिइओ सुनिल केशीलाई २०८२ वैशाख ९ गतेसम्म निरन्तरता दिने निर्णय गरेको छ।
बैठकले २०८२ वैशाख १० गतेदेखि लागू हुने गरी बैंकका हालका नायब प्रमुख कार्यकारी अधिकृत (डीसीईओ) गोविन्द घिमिरेलाई चार वर्षका लागि प्रमुख कार्यकारी अधिकृत पदमा नियुक्त गर्ने निर्णय गरेको छ। साथै, बैंकका अर्का नायब प्रमुख कार्यकारी अधिकृत सुदेश उपाध्यायलाई वरिष्ठ नायब प्रमुख कार्यकारी अधिकृत पदमा बढुवा गर्ने निर्णय समेत गरिएको छ।
वि.सं.२०८१ फागुन २५ आइतवार १२:०६ मा प्रकाशित
