काठमाडौं : सरकारका प्रवक्ता तथा सञ्चारमन्त्री पृथ्वीसुव्वा गुरुङले मंगलबारको मन्त्रिपरिषद्का ९ वटा महत्त्वपूर्ण निर्णय सार्वजनिक गरेका छन्। ती निर्णयहरू यस प्रकार छन्:
उच्चस्तरीय आर्थिक सुधार सुझाव आयोगको सिफारिसका आधारमा तयार गरिएको आर्थिक सुधार कार्यान्वयन कार्ययोजना २०८२ मन्त्रिपरिषद्ले स्वीकृत गरेको छ। यसले आगामी दिनमा आर्थिक पुनरुत्थान र नीतिगत स्थिरता सुनिश्चित गर्न मार्गनिर्देशन गर्नेछ।
बागमती सभ्यता एकीकृत विकास समिति सम्बन्धी आदेशको पाँचौँ संशोधन पनि क्याबिनेटले पारित गरेको छ, जसले समितिको कार्यदायरा र अधिकारलाई थप स्पष्ट बनाउने अपेक्षा गरिएको छ।
नेपाली सेनाको सैनिक स्वास्थ्य समूह अन्तर्गतको मेडिकल उपसमूहमा कार्यरत एक महासेनानीको कार्यकाल थप गर्ने निर्णय गरिएको छ।
सहरी विकास मन्त्रालयमार्फत सुर्खेत उपत्यका नगर विकास समितिको स्वामित्वमा रहेको जग्गा कर्णाली प्रदेश सरकारलाई मुख्यमन्त्री तथा मन्त्रिपरिषद् कार्यालयको प्रशासकीय भवन निर्माणका लागि उपलब्ध गराउने निर्णय गरिएको छ।
उद्योगमन्त्री दामोदर भण्डारीलाई जेठ ११ देखि १९ गतेसम्म चीनमा आयोजना हुने कार्यक्रममा सहभागी हुन स्वीकृति दिइएको छ।
राष्ट्र बैंकको नयाँ गभर्नरमा डा. विश्वनाथ पौडेललाई नियुक्त गर्ने निर्णय मन्त्रिपरिषद्ले गरेको छ।
वि.सं.२०८२ जेठ ८ बिहीवार १७:०९ मा प्रकाशित
