काठमाडौं । प्रभु बैंक लिमिटेड र छिमेक लघुवित्त वित्तीय संस्था लिमिटेडले आफ्ना संस्थापक सेयर बिक्रीका लागि सिलबन्दी बोलपत्र आह्वान गरेका छन्।
प्रभु बैंकले ९ हजार ८८२ कित्ता र छिमेक लघुवित्तले २ लाख ४४ हजार ४८० कित्ता संस्थापक सेयर बिक्रीमा राखेका हुन्। कम्पनीले आज (सोमबार) देखि बोलपत्र स्वीकार गर्न सुरु गरेको छ।
प्रभु बैंकको सेयरका लागि न्यूनतम मूल्य प्रति कित्ता १०० रुपैयाँ र छिमेक लघुवित्तको सेयरका लागि न्यूनतम मूल्य प्रति कित्ता ३९० रुपैयाँ तोकिएको छ।
शेयर खरिदका लागि प्रभु बैंकको हकमा न्यूनतम १ हजार कित्ता र छिमेक लघुवित्तको हकमा न्यूनतम ५० हजार कित्ताका लागि आवेदन दिनुपर्नेछ।
बोलपत्र असार १० गतेसम्म बिक्री प्रबन्धक मुक्तिनाथ क्यापिटल लिमिटेडमा पेश गर्न सकिनेछ।
बोलपत्रदाताले व्यक्तिको हकमा नागरिकता र संस्थाको हकमा दर्ता प्रमाणपत्र, कर चुक्ता प्रमाणपत्र, शेयर खरिदको निर्णयसहितको संचालक समितिको प्रतिलिपि र विगत दुई आर्थिक वर्षदेखि नाफामा रहेको प्रमाणित कागजात संलग्न गर्नु पर्नेछ।
वि.सं.२०८२ असार ३ मंगलवार १८:१६ मा प्रकाशित
