काठमाडौं । जोशी हाइड्रोपावर डेभलपमेण्ट कम्पनी लिमिटेडको हकप्रद शेयर सुरक्षित गर्ने आज असार ५ गते अन्तिम दिन रहेको छ। कम्पनीले असार ८ गते बुक क्लोज गर्ने भएकाले आजसम्म कारोबार गरी कायम रहने शेयरधनीहरूले मात्र हकप्रदमा आवेदन दिन सक्नेछन्।
कम्पनीले हालको चुक्ता पूँजीको ६५ प्रतिशत हकप्रद शेयर निष्काशन गर्नेछ। यसको अर्थ, हाल कायम १० कित्तामा ६.५ कित्ताको अनुपातमा हकप्रद शेयर जारी गरिनेछ।
यसअनुसार, कम्पनीले प्रतिकित्ता १०० रुपैयाँ अंकित मूल्यमा २४ लाख १४ हजार १०० कित्ता हकप्रद शेयर जारी गर्नेछ, जसको कुल रकम २४ करोड १४ लाख १० हजार रुपैयाँ बराबर हुनेछ।हाल कम्पनीको चुक्ता पूँजी ३७ करोड १४ लाख रुपैयाँ रहेको छ।
वि.सं.२०८२ असार ५ बिहीवार ०६:३१ मा प्रकाशित
