काठमाडौं : आईएमई लाइफ इन्स्योरेन्स कम्पनीका बीमित, अभिकर्ता र कर्मचारीले अब आमा हस्पिटलमा विभिन्न स्वास्थ्य सेवामा विशेष छुट पाउने भएका छन्।
कम्पनीका अनुसार उक्त सुविधा अन्तर्गत क्याबिन बेडमा ५० प्रतिशत, जनरल बेडमा ३० प्रतिशत, अन्य हस्पिटल सेवामा २० प्रतिशतसम्म छुट प्राप्त हुनेछ। साथै, आकस्मिक एम्बुलेन्स सेवा निःशुल्क प्रदान गरिनेछ। यसका साथै, हेल्थ चेकअप प्याकेजमा ४० प्रतिशतसम्म विशेष छुट दिइने भएको छ।
यो सुविधा लिनका लागि बीमितले ‘IME LIFE Mobile App’ मा रहेको प्रिभिलेज कार्ड देखाउनु पर्नेछ। अभिकर्ता तथा कर्मचारीले कम्पनीबाट जारी आधिकारिक परिचयपत्र प्रस्तुत गरी छुट लिन सक्नेछन्।
कम्पनीले यस्ता व्यावसायिक साझेदारीलाई अझ विस्तार गर्दै आफ्ना बीमित, अभिकर्ता र कर्मचारीलाई थप गुणस्तरीय सेवा र सुविधा उपलब्ध गराइ सकारात्मक ऊर्जा प्रदान गर्ने प्रतिबद्धता जनाएको छ।
वि.सं.२०८२ असार ६ शुक्रवार १५:०१ मा प्रकाशित
