back
Mega Long Ad

गैरकानुनी लगानी र कारोबार गर्दै आइएमई र जिएमई सहकारी, कमजोर नियमनको फाइदा उठाउदै हाथवे

काठमाडौं । सहकारी क्षेत्रमा गैरकानुनी लगानी भित्रिएको पाइएको छ । कमजोर अनुगमन तथा नियमनको फाइदा उठाउदै विभिन्न कम्पनीहरुले सहकारीमा लगानी गरिरहेका छ । हाथवे इन्भेष्टमेन्ट नेपालले दुईवटा सहकारीमा लगानी गरेको छ। सो कम्पनीले आइएमई सहकारी र जिएमई सहकारीमा आफ्नो लगानी रहेको जनाएको छ ।

सहकारी ऐन २०७४ र सहकारी नियमावली २०७५ अनुसार कुनैपनि निजी कम्पनीले सहकारी क्षेत्रमा लगानी गर्न पाउदैन । तर ऐन र नियमावलीलाई वेवास्ता गर्दै ति दुई कम्पनीमा हाथवेले लगानी गरेको हो ।

हाथवे इन्भेष्टमेन्ट नेपाल प्रा.लिमा ठूला लगानीकर्ताको नाम कमाएका अम्विका प्रसाद पौडेल, चन्द्र ढकालका भाई हेमराज ढकाल, नविल बैंकका नायब महाप्रबन्धक मनोज ज्ञवाली लगायतको लगानी रहेको छ ।

उनीहरुको पहुँच नेपालका नेता, मन्त्रीदेखि राष्ट्रपतिसम्म हुने भएको र सहकारी क्षेत्रमा कमजोर नियमन प्रणाली हुने भएकोले हाथवेले ती दुई सहकारीमा लगानी गरेको हो ।

हाल हाथवेका अध्यक्ष योगेश्वर शर्मा ढकाल हुन् । उनी एफएनसिसिआइका वरिष्ठ उपाध्यक्ष चन्द्र ढकालका नातेदार हुन् । यसअघि अव्बिका शर्मा पौडेल सो कम्पनीका अध्यक्ष थिए ।

आइएमई सहकारी लिमिटेड र जिएमई सहकारी लिमिटेड बचत तथा ऋण सहकारी अन्तर्गत सहकारी विभागमा दर्ता भएको ति कम्पनीहरुको दावी छ । तर सो सहकारी कुन प्रकृतिको हो भन्ने कुरा समेत कसैलाई जानकारी छैन ।

ति दुई सहकारीले बैंकहरुले गर्ने सम्पुर्ण कारोबार गरिरहेका छन् भने लगानीकर्ताहरुको लागि राम्रो प्रतिफल पनि दिइरहेका छन् । उनीहरुले पहुँचका आधारमा अन्तरसहकारी कारोबारदेखि ऐन ठूला ठूला हाउजिङ कर्जा, अटो कर्जा समेत दिइरहेका छन् ।

एफ्एनसीसीआइका वरिष्ठ उपाध्यक्ष ढकालको समेत अप्रत्यक्ष लगानी रहेको सहकारी क्षेत्रका एक वरिष्ठ नेताले जानकारी दिए । उनले भने, ‘चन्द्र ढकालले आफ्ना मानिसहरु राखेर आइएमई सहकारी सन्चालन गरेको छ, उसले ऐन विपरित काम गरेको छ, यसबारे सहकारी विभाग पनि राम्रो जानकार छ तर सवै सेटिङमा चल्ने भएकोले कारबाही भएको छैन ।’

ति सहकारीहरु अन्य सहकारीहरु भन्दा फरक भएको भन्दै पहुँच विस्तारमा लागि रहेका छन् ।
आइएमई सहकारीका सिइओ सागर ढकालले हाथवे कम्पनीले लगानी नगरेको दावी गरे ।

तर, हाथवेले भने-‘आफ्नो वेवसाइडमा नै आइएमई को अपरेटिभमा लगानी रहेको दावी गरेको छ । ढकालले अर्थतन्त्रसँग भने, मलाई हाथवेको लगानीबारे जानकारी छैन, सम्बन्धका आधारमा दुई चार लाख रुपैयाँसम्म राखेको होला त्यहाँ भन्दा बढी केही छैन।‘

त्यस्तै उनले आफूहरुले स सानो रकम भने अन्तरसहकारी काराबार गरेको बताए । उनले भने, ‘सहकारीमा रेमिट्यान्सको कारोबारको हकमा भने स सानो रकम अन्तरसहकारी कारोबार गरिएको छ, त्यो त ठूलो कुरा भएन नी।‘

अन्तर सहकारी कारोबार पनि गैर कानुनी हो । सहकारी ऐन २०७४ को दफा १४० को उपदफा १ मा सहकारीहरुले अन्तरसहकारी कारोबार गर्न सक्नेछन् भनिएपनि उपदफा २ मा तोकिए बमोजिम हुनेछ भनेर उल्लेख गरेको छ। सो अनुसार अन्तरसहकारी कारोबार कार्यविधि आउनु अनिवार्य हो । कार्यविधि विना सहकारीहरुले कारोबार गरेमा गैर कानुनी हुन्छ।

आइएमई सहकारी देशकै सवैभन्दा ठूलो कारोबार गर्ने सहकारी हो । सो सहकारीको बार्षिक कारोबार झन्डै १२ अर्बको हाराहारीमा रहेको छ ।

त्यस्तै जिएमई सहकारीका प्रबन्धक गणेश भट्टराई भने आफूहरुले कुनैपनि गैरकानुनी कारोबार नगरेको दावी गर्छन । तर सो सहकारीको वेवसाइडमा भने खुलेआम कर्पोरेट डिपोजिट लिने र हाउजिङ कर्जा प्रबाह गर्ने भनेर उल्लेख गरिएको छ । जिएमई सहकारी भर्खरै स्थापना भएको सहकारी हो ।

उसले कर्पोरेट डिपोजिट लिनेदेखि हाउजिङ कर्जा दिनेसम्मको कारोबार गर्दै आइरहेको छ । तर अहिलेसम्म सो सहकारीले कार्यालय सन्चालन गर्ने कार्यविधि समेत सहकारी विभागबाट पास गराएको छैन तर कारोबार भने गरिरहेको छ ।

राष्ट्रिय सहकारी महासंघका अध्यक्ष मिनराज कडेँले भने, ‘सहकारीमा कुनैपनि निजी कम्पनीले लगानी गर्न नपाउने व्यवस्था रहेको छ , जो सुकैले निजी लगानी गरेको भएपनि कारबाहीको भागिदार हुनुपर्छ त्यसमा महासंघले सरकारलाई सहयोग गर्छ ।’ उनका अनुसार सहकारी ऐन नियम मान्नको लागि महासंघले आग्रह गरिरहेको र नमान्नेको हकमा बचाउने कुनै प्रयत्न गरिदैन ।

सहकारी विभागका रजिष्टार झलकराम अधिकारी भने अहिलेसम्म आफूहरुलाई गैरकानुनी कारोबार गरेको सुचना नआएको दावी गर्छन् । ‘अहिलेसम्म हामीलाई कुन सहकारीले गैरकानुनी कारोबार गरेको छ भन्ने सुचना आएको छैन,यदी आएको खण्डमा हामी नियमअनुसार काराबाही गर्छौ । ’

अधिकारी सो विभागमा नयाँ आएपनि पुराना कर्मचारीहरु सवैलाई कुन सहकारीले कस्तो कारोबार गरिरहेको छ भन्ने बारे स्पष्ट जानकारी रहेको ति नेताले बताए ।

वि.सं.२०७८ मंसिर ७ मंगलवार १३:४४ मा प्रकाशित

You can share this post!

“बैंक अफ दि इयर” पनि एनएमबि नै, यो पुरस्कार जित्नुको आधार के हो ?

“बैंक अफ दि इयर” पनि एनएमबि नै, यो पुरस्कार जित्नुको आधार के हो ?

वि.सं.२०७८ मंसिर १५ बुधवार २२:०३

काठमाडौं । नेपाल राष्ट्र बैंकबाट “क” वर्गको इजाजत प्राप्त नेपालकै...

बैंकक्रप्ट हुने सम्भावना छः पवनकुमार गोल्यान

बैंकक्रप्ट हुने सम्भावना छः पवनकुमार गोल्यान

वि.सं.२०७८ मंसिर १५ बुधवार १७:४५

बैैंक तथा वित्तिय संस्था परिसंघका अध्यक्ष पवनकुमार गोल्यानले ‘बैंकक्रप्ट’ हुन...

एनएमबी बन्यो एसियाकै सर्वोत्कृष्ट बैंक

एनएमबी बन्यो एसियाकै सर्वोत्कृष्ट बैंक

वि.सं.२०७८ मंसिर १५ बुधवार १६:५०

एनएमबी बैंक एसियाकै सर्वोत्कृष्ट बैंक बनेको छ । बुधबार बैंकले...

बैध रूपमा अबैध काम भइरहेको छः अर्थमन्त्री शर्मा

बैध रूपमा अबैध काम भइरहेको छः अर्थमन्त्री शर्मा

वि.सं.२०७८ मंसिर १५ बुधवार १५:५८

काठमाडौ । अर्थमन्त्री जनार्दन शर्माले बैध रूपमा अबैध काम भइरहेको...

आगामी १० बर्षमा मध्यमस्तरको राष्ट्रमा परिणत हुन केन्द्रित हुनुपर्छ : प्रधानमन्त्री देउवा

आगामी १० बर्षमा मध्यमस्तरको राष्ट्रमा परिणत हुन केन्द्रित हुनुपर्छ : प्रधानमन्त्री देउवा

वि.सं.२०७८ मंसिर १५ बुधवार १५:२२

काठमाडौ । प्रधानमन्त्री शेरबहादुर देउवाले अर्थतन्त्रको गुणात्मक वृद्धिका सरोकारवाला सवै...

सेयर बजारमा सुधार: कारोबार रकम भने खुम्चियो, दुई कम्पनीमा झुम्मिए लगानीकर्ता

सेयर बजारमा सुधार: कारोबार रकम भने खुम्चियो, दुई कम्पनीमा झुम्मिए लगानीकर्ता

वि.सं.२०७८ मंसिर १५ बुधवार १५:१४

काठमाडौं । बुधवार सेयर बजारमा सुधार आएको छ । साताको...