काठमाडौं । सेयर बजार खुलेदेखि नै बजारमा उछाल आउन थालेको छ । कारोबार सुरु भएलगत्तै उछाल देखिएको बजारमा पुन केही करेक्सन देखिएको थियो । उक्त करेक्सन पार गर्दै बजार पुन बुलिस ट्रेन्डमा जान थालेको छ ।
यो समाचार तयार पार्दासम्म नेप्से मापन गर्ने सूचक ६५.८४ अंकले बढेर २५५९.४३ बिन्दुमा रहेको छ । ठूला कम्पनीको कारोबार मापन गर्ने सेन्सेटिभ इन्डेक्स १०.३६ अंकले बढेर ४६४.४८ बिन्दुमा रहेको छ ।
१९० कम्पनीको ४० लाख ७४ हजार १६९ कित्ता सेयर किनबेच भएको छ । यो अवधिमा ३ अर्ब ६ करोड ९६ लाख १३ हजार ९७० रुपैयाँको सेयर किनबेच भएको छ ।
कारोबारमा बैंकिङ,निर्जीबन बीमा, माइक्रोफाइनान्स, जीवन बीमा लगायत सबै समूहको उपसूचकमा उचाल आएको छ । यो समाचार तयार पार्दासम्म ग्रामिण विकास लघुवित्त, आरएसडीसी लघुवित्तको सेयर कारोबारका सकारात्मक सर्किछ लागेको छ ।
वि.सं.२०७७ फागुन ३ सोमवार ११:५३ मा प्रकाशित