Logo

नेपाल बैंकले बेच्ने भो ४ लाख कित्ता सेयर, कोषले दियो स्वीकृति

काठमाण्डौं । नेपाल बैंकले आफ्नो नाममा रहेको नागरिक लगानी कोषको ४ लाख कित्ता शेयर पुनर्बिमा कम्पनीलाई बेच्न अनुमति मागेकोमा नागरिक लगानी कोषले स्वीकृति दिएको छ । नागरिक लगानी कोषको शुक्रबार बसेको बोर्ड बैठकले कोषको निदिष्ट कानुनी दायरामा रहेर शेयर बेच्न अनुमति दिएको हो ।

नेपाल बैंकले चार लाख कित्ता नागरिक लगानी कोषको संस्थापक शेयर पुनर्बिमा कम्पनीलाई बेच्ने क्रममा अर्थ मन्त्रालयसँग अनुमति मागेकोमा मन्त्रालयले सो सम्बन्धी फाईललाई कोषमा पठाएको थियो । कोषले अनुमति प्रदान गरेकाले अब सो फाईल मन्त्रालय फर्किएर अन्तिम स्वीकृति प्रदान हुने छ । नागरिक लगानी कोष सम्बन्धी कानुनमा संस्थापकले शेयर बेच्दा अनिबार्य रुपमा पूर्व स्वीकृति लिनुपर्ने प्रावधान रहेकाले कोषको अनुमति आबश्यक परेको हो ।

२६ बैशाख २०७३, २.००

प्रतिक्रिया दिनुहोस्


कार्यालय : लाजिम्पाट २, काठमाडौँ
नेपाल

© 2018 All Right Reserved Arthatantra News
DEVELOPED BY appharu.com