Logo

एफएन्सीसीआईमा शेखर गोल्छा पक्षको उम्मेदवारी दर्ता

काठमाडौ। नेपाल उद्योग वाणिज्य महासंघको आसन्न महाधिवेसनमा वरिष्ठ उपाध्यक्षमा शेखर गोल्छा र उनको प्यानलले उम्मेदवारी दर्ता गराएको छ। वरिष्ठ उपाध्यक्षका उम्मेदवार गोल्छाको प्यानलबाट वस्तुगत उपाध्यक्षमा उमेशलाल श्रेष्ठ, एसोसिएट उपाध्यक्षमा चन्द्र ढकाल र जिल्ला नगर उपाध्यक्षमा दिनेशलाल श्रेष्ठ र कोषाध्यक्षमा ज्ञानेन्द्रलाल प्रधानले उम्मेदवारी दर्ता गराएका छन्।

महासंघको विधानमा वरिष्ठ उपाध्यक्ष अर्को पटक स्वत अध्यक्ष हुने व्यवस्था गरिएको छ । त्यसकारण वरिष्ठ उपाध्यक्षमा रहेकी भवानी राणा अधिवेसनपछि स्वत अध्यक्ष हुने छिन्।

स्वतन्त्रबाट एसोसिएट उपाध्यक्षमा उम्मेदवारी दिने बताउँदै आएका सौरभ ज्योतिले उम्मेदवारी फिर्ता लिएका छन् । उनले ढकाललाई समर्थन गर्दै गोल्छाको प्यानलबाट सदस्यमा उम्मेदवारी दिएका छन्। ज्योतिले महासंघलाई एकताबद्ध गर्दै लैजानका लागि उपाध्यक्षबाट उम्मेदवारी फिर्ता लिएको बताएका छन् ।

यता बरिष्ठ उपाध्यक्षको दौडमा रहेका किशोर प्रधान र उनको समूहले आइतबार साँझ उम्मेदवारी घोषणा गरी भोलि महासंघमा दर्ता गर्ने बताईएको छ ।

यसैगरी वस्तुगततर्फ उमेशलाल श्रेष्ठको समूहबाट केन्द्रीय सदस्यमा १४ जना व्यवसायीले मनोनयन दर्ता गरेका छन् । जसअनुसार जयप्रकाश सिवाकोटी, कमला श्रेष्ठ, विनोद ढकाल, सन्दीपकुमार अग्रवाल, अन्जन श्रेष्ठ, खेमराज पन्त, हेमराज ढकाल, प्रकाशसिंह कार्की, आकाश अधिकारी, रविन श्रेष्ठ, सुरेन्द्रकुमार श्रेष्ठ, सुनीलगोपाल श्रेष्ठ, हेमरत्न शाक्य र लोकनाथ गैरे रहेका छन् ।

प्रकाशित मितिः २०७३ चैत २०

प्रतिक्रिया दिनुहोस्


कार्यालय : लाजिम्पाट २, काठमाडौँ
नेपाल

© 2018 All Right Reserved Arthatantra News
DEVELOPED BY appharu.com