Logo

चुक्ता पूँजी ८ अर्ब ५ करोड रुपैयाँ पुर्याउँदै माछापुच्छ्रे बैंकले गर्यो बोनसमा शेयर दिने निर्णय

पोखरा । माछापुच्छ्रे बैंकको ग्राण्ड होटल पोखरामा शुक्रबार सम्पन्न १९ औँ वार्षिक साधारण सभाले १५ प्रतिशत लाभांश पारित गरेको छ । साधारण सभाले सेयरधनीलाई ९ प्रतिशत बोनस र ६ प्रतिशत नगद लाभांश पारित गरेको छ ।

सो सभाले बैंकको आर्थिक बर्ष २०७३ र ७४ को बार्षिक प्रतिबेदन पारित गरेको छ । साथै आगामी ३ वर्षको लागि जेपी राजवाहक एण्ड कम्पनीलाई बाह्य लेखापरीक्षक नियुक्ती गर्ने निर्णय गरेको छ ।

हाल बैंकको चुक्ता पूँजी ७ अर्व ३९ करोड रुपैयाँ रहेको छ । ९ प्रतिशत बोनसपछि बैंकको चुक्ता पूँजी ८ अर्ब ५ करोड रुपैयाँ पुग्नेछ । बैंकले सोही अवसरमा पोखराको नयाँबजार स्थित नयाँ एटीएम काउण्टरको समेत उद्घाटन गरेको छ ।

बैंकले आर्थिक वर्ष २०७४ ७५को पहिलो त्रैमाससम्ममा २८ करोड ९ लाख रुपैयाँ खुद नाफा आर्जन गरेको छ । चालु आर्थिक बर्षको प्रथम त्रैमास सम्ममा ६० अर्ब ३० करोड रुपैयाँ निक्षेप परिचालन गरी ५४ अर्ब ४२ करोड रुपैयाँ कर्जा प्रवाह गरेको बैंकले जनाएको छ ।

हाल माछापुच्छ्रे बैंकको ६२ शाखा कार्यालय ८४ एटीएम, ४ वटा एक्स्टेशन काउन्टर र ७ शाखा रहित बैंकिङ्ग सेवा सञ्चालनमा रहेका छन् ।

प्रतिक्रिया दिनुहोस्


कार्यालय : लाजिम्पाट २, काठमाडौँ
नेपाल

© 2018 All Right Reserved Arthatantra News
DEVELOPED BY appharu.com