Logo

सकियो एसबिआईको विवाद, गर्यो बोनस शेयर र नगद लाभांश दिने प्रस्ताव

काठमाडौं। सञ्चालक समिति सदस्य विवाद सुल्झिए संगै नेपाल एसबिआइ बैंकले १५.४२ प्रतिशत बोनस शेयर र ०.८१ प्रतिशत नगद लाभांश दिने दिने भएको छ। सञ्चालक समिति सदस्य विवादमा बैंकको संस्थापक शेयरधनीको पक्षमा अदालतले फैसला दिएसंगै विवाद टुङ्गिएको हो । सर्वसाधारण समूहबाट एक जना मात्र सञ्चालक चयन गर्ने निर्णय बिरुद्ध अदालतमा मुद्दा परेको थियो।

५५ प्रतिशत शेयर बराबर भारतीय पक्षले चार जना सञ्चालक राखेका छन्। १५ प्रतिशत शेयर भएको सञ्चय कोषको भागमा एक जना सञ्चालक परेको छ। एक जना स्वतन्त्र रहनु पर्छ। त्यही भएर सर्बसाधारणबाट एक जना मात्र सञ्चालक समितिमा अटाउने निर्णय साधारणसभाले गरेको थियो।

सर्बसाधारणको ३० प्रतिशत शेयर रहेको बैंकले सञ्चालक समितिमा एक जना मात्रै अटाउने निर्णय गरेको थियो। बैंकमा स्टेट बैंक अफ इण्डियाको ५५ प्रतिशत लगानी छ। १५ प्रतिशत कर्मचारी सञ्चय कोषको लगानी छ।

साधारणसभाको निर्णयविरुद्ध अदालतमा मुद्दा परेको थियो। अदालतले सोमबार सर्वसाधारणबाट एक जना राखे हुने निर्णय सुनाएको हो।

बैंकले पुस १९ गते साधारणसभा गर्दैछ। सभाले १५.४२ प्रतिशत बोनस शेयर र ०.८१ प्रतिशत नगद लाभांश दिने प्रस्ताव अनुमोदन गर्दैछ।

२०७४ पुष १८ गते प्रकाशित

प्रतिक्रिया दिनुहोस्


कार्यालय : लाजिम्पाट २, काठमाडौँ
नेपाल

© 2018 All Right Reserved Arthatantra News
DEVELOPED BY appharu.com