Logo

ग्रामीण क्षेत्रमा पहुँच बढाउदै सिभिल बैङ्क, लमजुङमा नयाँ दुई शाखा संचालनमा

काठमाडौ । सिभिल बैंक लिमिटेडले लमजुङमा थप दुई शाखाहरु संचालनमा ल्याएको छ । बैंकले ५६ औं शाखाको रुपमा दूधपोखरी गाउँपालिका ६, गौंडामा २०७४ फाल्गुन २६ गते र ५७ औं शाखाको रुपमा क्व्होलासोंथर गाँउपालिका २, मालिङमा २०७४ फाल्गुन २७ गते छुट्टाछुट्टै कार्यक्रम बिच नेपाल राष्ट्र बैंकका संचालक रामजी रेग्मीले समुद्घाटन गरे ।

उक्त शाखाहरुको उद्घाटन समारोहमा नेपाल राष्ट्र बैंकका संचालक रामजी रेग्मी, राइनास नगरपालिकाका प्रमुख सिंहबहादुर थापा, दूधपोखरी गाउँपालिका अध्यक्ष छुपीमाया गुरुङ, क्व्होलासोंथर गाँउपालिकाका अध्यक्ष प्रेम बहादुर घले, क्व्होलासोंथर गाँउपालिकाका प्रमुख प्रशासकिय अधिकृत राकेस गुरुङ सिभिल बैंकका प्रमुख कार्यकारी अधिकृत गोबिन्द गुरुङ तथा सो क्षेत्रका उद्योगी व्यवसायी लगायत गन्यमान्य ब्यक्ति तथा सर्वसाधरणको बाक्लो उपस्थिति रहेको थियो ।

उद्घाटन कार्यक्रमका बोल्नुहुदै प्रमुख अतिथि नेपाल राष्ट्र बैंकका संचालक रामजी रेग्मीले बैंकको उपस्थितिविना संघीय नेपालको समृद्धि नभएको बताउदै स्थानीय तहमा बैंकको आवश्कता महसुस गरेर नेपाल राष्ट्र बैंकले हरेक स्थानीय तहमा बित्तिय पहुँच पु¥याउने नीति अनुरुप हरेक स्थानीय निकायमा कम्तीमा एउटा वाणीज्य बैंकको शाखा खोल्नका लागि निर्देशन जारी गरेको बताए ।

सिभिल बैंकका प्रमुख कार्यकारी अधिकृत गोविन्द गुरुङले ग्रामीण भेगको आर्थिक विकासको लागि बैंक अपरिहार्य रहेको बताए । ग्रामीण भेगका नागरिकको सेवाको लागि स्थानीय तहमा सिभिल बैंकले सेवा विस्तार गर्न पाएकोमा उनले खुसी ब्यक्त गरे ।

नेपाल राष्ट्र बैंकले हरेक महानगरपालिका, नगरपालिका र गाउँपालिकामा बित्तीय पहुँच पु¥याउने निती अनुरुप सिभिल बैंकले हालसम्म कुनैपनि बैंकको पहुँच नपुगेको ठाउँहरुमा शाखा बिस्तार गर्दै गरेको गुरुङले बताए ।

विभिन्न कठिनाईहरु पार गर्दै ५७ औं शाखाको रुपमा क्व्होलासोंथर गाँउपालिका २, मालिङका वासिन्दालाई सेवा दिन पाएकामा शाखा प्रबन्धक आदित्य लोहनीले खुशी व्यक्त गरे । लोहनीका अनुसार गाउँमा बैङ्कको शाखा स्थापनाले स्थानिय निकै हर्षित छन् ।

कार्यक्रममा स्थानीयले पञ्चे बाजासहित स्वागत गर्दै स्थानिय स्तरमा सिभिल बैंकले शाखा खोलेकोमा खुशी व्यक्त गरेको थियो । साथै आमा समूह, युवा क्लव, बाल समूहले साँस्कृतिक कार्यक्रममार्फत मनोरञ्जन दिलाएका थिए ।

सिभिल बैंकले चालु आर्थिक वर्षको दोश्रो चौमासमा रु.२१ करोड ६५ लाख खुद नाफा कमाउन सफल भएको छ । जुन पहिलो वर्षको यसै अवधिको तुलनामा ३१% को बढि हो । बैंकले यसै त्रैमासको अन्त्यसम्ममा खोलिने थप शाखा सहित बैंकको कुल शाखा संख्या ५९ पुग्ने जनाएको छ ।

२०७४ फागुन २७ गते प्रकाशित ।

प्रतिक्रिया दिनुहोस्


कार्यालय : लाजिम्पाट २, काठमाडौँ
नेपाल

© 2018 All Right Reserved Arthatantra News
DEVELOPED BY appharu.com