काठमाडौ । नेकपा एमालेका वरिष्ठ उपाध्यक्ष बामदेब गौतमले अबको ५ वर्षमा नेपालले भारत संग आर्थिक वृद्धिमा प्रतिस्पर्धा गर्ने बताएका छन् । धादिङ काठमाडौ सम्पर्क मञ्चले आज (शनिबार) काठमाडौमा गरेको जनप्रतिनिधि सम्मान कार्यक्रममा बोल्दै गौतमले यस्तो बताएका हुन् ।
स्थानिय देखी प्रतिनिधिसभा सम्मका ३ वटै तहका जनप्रतिनिधिहरुलाई सम्मान गर्न आयोजना गरिएको कार्यक्रममा बोल्दै नेता गौतमले अहिलेको बामपन्थी सरकारले आगामी १५ वर्ष भित्र नेपाललाई विश्वको उदियमान अर्थतन्त्रको रुपमा स्थापित गर्ने दावी गरे ।
अबको १० वर्षमा दुई छिमेकी देशसंग आर्थिक तथा भौतिक विकासमा प्रतिस्पर्धा गर्ने बताउदै गौतमले देशको आर्थिक सम्वृद्धिको लागि बाम सरकार प्रतिबद्ध रहेको स्पष्ट पार्दै पार्टी एकीकरण संगै देशमा राजनितिक तथा आर्थिक वृद्धिमा स्थायित्व हुने दावी गरे ।
सम्पर्क मञ्चले वनस्थलीमा गरेको सम्मान कार्यक्रममा धादिङका प्रतिनिधिसभा, प्रदेससभा र स्थानिय तहमा निर्वाचित जनप्रतिनिधिहरुले आ–आफ्नो क्षेत्रमा आर्थिक सम्वृद्धि संगै दिगो विकास र जनमुखी काम गर्ने प्रतिवद्धता व्यक्त गरेको मञ्चका सहसचिव अर्जुन तिमल्सेनाले जानकारी दिए ।
२०७४ चैत ३ गते प्रकाशित ।
वि.सं.२०७४ चैत ३ शनिवार २१:१२ मा प्रकाशित
