Logo

बैंकर्स संघको भद्र सहमती खारेज, एनआइसीले फेरी गर्यो उच्चतम ब्याज दिने निर्णय

काठमाडौं । नेपाल बैंकर्स संघले सदस्य बैंकहरुका बीचमा व्याजदरका सम्बन्धमा यसअघि भएको सम्झौता खारेज गरेको छ । संघको सो निर्णय लगत्तैएनआइसी एशिया बैंकले मुुद्धती निक्षेपको ब्याजदर बढाएको छ । बैंकले १२ प्रतिशत ब्याज दिने गरी धनबर्षा मुद्धती खाता पुन सञ्चालनमा ल्याएको हो।

यसअघि यही योजना सार्वजनिक गर्दा बैकर्स संघले नाकाबन्दी नै लगाउने निर्णय गरेको थियो । संघको निर्णयसंगै भएको भद्र सहमित पश्चात योजना बीचमै स्थगित गरेको थियो । आइतबार मात्रै बाणिज्य बैंकका प्रमुख कार्यकारीहरुले यसअघि गरेको भद्र सहमति खारेज गर्ने निर्णय गरेका थिए ।

बैंकले यस योजनामा मासिक रुपमा ब्याज भुक्तानी गर्ने जनाएको छ । यसअघि बैंकले मुद्धतीमा ११ प्रतिशत ब्याज दर दिँदै आएको थियो।

धनबर्षा मुद्धतीइ खातामा ग्राहकको आकर्षण बढेका कारण उत्साहित भएर पुन खाता सञ्चालनमा ल्याएको बैंकले जनाएको छ। नयाँ खाता बैंकको जुनसुकै शाखा कार्यालयबाट खोल्न सकिने छ।

खातामा जम्मा भएको रकममध्ये ८० प्रतिशत ऋणका रुपमा प्रयोग गर्न सकिने सुविधा रहेको बैंकले जनाएको छ।

२०७५ जेठ २८ गते प्रकाशित

प्रतिक्रिया दिनुहोस्


कार्यालय : लाजिम्पाट २, काठमाडौँ
नेपाल

© 2018 All Right Reserved Arthatantra News
DEVELOPED BY appharu.com