Logo

प्रदेश तीनको योजना आयोग उपाध्यक्षमा खिमलाल देवकोटा नियुक्त

प्रदेश नीति तथा योजना आयोग गठन तथा कार्यसञ्चालन आदेश जारी गरी उपाध्यक्षमा डा. खिमलाल देवकोटा र सदस्यमा श्याम बस्नेत नियुक्त भएका छन् ।

विकास अर्थशास्त्रमा विधावारिधी गरेका देवकोटा वित्तिय संघीयता व्यवस्थापनका विज्ञ मानिन्छन् । बस्नेत प्राकृतिक स्रोतसम्बन्धी विज्ञ हुन् ।

संघीयता विज्ञ डा देवकोटाले अर्थशास्त्रमा एमए, आर्थिक विश्लेषणमा एमएसी र विकास अर्थशास्त्रमा विद्यावारिधी गरेका छन । स्थानीय निकाय वित्तीय आयोगमा लामो समय विज्ञ भई कार्य गरेका डा देवकोटा प्रधानमन्त्री कार्यालय र राष्ट्रिय योजना आयोगमा पनि विज्ञ सल्लाहकार भई कार्य गरिसकेका छन । वित्तीय संघीयता तथा स्थानीय स्वशासनका क्षेत्रमा डा देवकोटाका सयौं आलेख तथा अन्तर्वाताहरु छन । विश्व वैक, यूएनडिपी, डिफआइडी, जिआईजेट, एसडिसी लगायतका दार्तृसंस्थाहरुमा समेत डा देवकोटाले संघीयता लगायतका विषयमा परामर्शदाताका रुपमा कार्य गरिसकेका छन ।

काठमाडौ विश्वविद्यालयमा समेत प्राध्यापन गरेका देवकोटा संघीयता र विकास लगायतका विषयमा नेपाल सरकारका उच्चपदस्थ कर्मचारीहरुलाई वेला वेलामा प्रशिक्षण समेत दिने गरेका छन । तत्तकालिन संसदको विकास समिति र अर्थ समितिको आमन्त्रित विज्ञ सल्लाहकार समेत रहेका देवकोटा संघीयता र स्थानीय स्वाशासन विषयमा देशका दुर दराजमा समेत पुगि प्रशिक्षण समेत दिने गरेका छन ।

२०७५ जेठ २९ गते प्रकाशित

प्रतिक्रिया दिनुहोस्


कार्यालय : लाजिम्पाट २, काठमाडौँ
नेपाल

© 2018 All Right Reserved Arthatantra News
DEVELOPED BY appharu.com