पोखरा । पोखरामा निर्माणाधिन क्षेत्रीय अन्तराष्ट्रिय विमानस्थल पुन बिबादको घेरामा तानिएको भन्दै गण्डकी प्रदेशका सांसदहरुले संघीय सरकारको कडा आलोचना गरेका छन् ।
गण्डकी प्रदेशको चालु अधिबेशनमा बिहिबार शुन्य र विशेष समयमा बोल्ने सांसदहरुले कहिले कुन बहाना त कहिले कुन बहानामा एयरपोर्ट बन्न नदिने खेल बढ्नुमा चिन्ता ब्यक्त गरेका छन् । सांसद राजिब पहारीले एयरपोर्टलाई कति जग्गा चाहिन्छ पहिले थाहा हुदैन ? केटा केटिले माटोको घर बनाइ खेलेको हो र ? पहारीको भनाइ थियो ।
कहिले ह्याँगरको बहानामा त कहिले अर्काे निहुँमा जग्गा अधिकरण गर्ने भन्दै स्थानीयको घरबास उठाउने गरी पटक पटक सूचना जारी गर्नु जायज नभएको जिकिर गर्नुभयो । कुनै पनि वहानामा अब एयरपोर्ट निर्माणको काम नरोकिकन स्थानीय जनताको चित्त बुझ्ने गरी काम गर्न प्रदेश सरकार मार्फत संघिय सरकारको ध्यानाकर्षण गराउनुभयो ।
सांसद दिपक कोइरालाले एयरपोर्ट निर्माणको काम रोक्न नहुने र स्थानीय बासिलाई अन्यायमा नपारिकन समस्याको हाल खोज्न प्रदेश सरकारको ध्यानाकर्षण गराउनु भएको थियो ।
अर्का सांसद कृष्णचन्द्र नेपालीले सामाजिक परिचालकहरुको आन्दोलनमा सरकारबाट दमन भएको भन्दै तत्काल उनीहरुको मागलाई सम्बोधन गर्नु पर्ने बताउनु भयो । शुन्य तथा विशेष समयमा बोल्ने सांसदहरुले बाढी पहिरोका कारण विभिन्न जिल्लामा भएको क्षतिको जानकारी दिँदै पिडितहरुलाई राहत र पुनर्वासको ब्यबस्था गर्न सरकारको ध्यान पुग्न आबश्यक भएको बताउनु भयो ।
२०७५ भदौ १ गते प्रकाशित
वि.सं.२०७५ भदौ १ शुक्रवार ०८:०४ मा प्रकाशित