काठमाडौं । एसियन लाइफ इन्सुरेन्सले ६० प्रतिशत हकप्रद सेयरमा बिक्री गर्ने भएको छ । यसअघि एसियन लाइफको १० औं वार्षिक साधारण सभाले १० बराबर ६ अनुपातमा ७५ करोड ४० लाख रुपैयाँ बराबरको हकप्रद सेयर निष्काशन गर्ने प्रस्ताव पारित गरेको थियो ।
यसमा बिक्री प्रबन्धकको काम एनआइबीएल एस क्यापिटललाई नियुक्त गरेको छ ।
हकप्रद निष्काशन तथा बिक्री प्रबन्धक नियुक्त गर्न दुई संस्थाका बिचमा सम्झौता भएको छ । यस सम्झौतामा एसिनयन लाइफका प्रमुख कार्यकारी अधिकृत राजेशकुमार श्रेष्ठ र एनआइबीएल एस क्यापिटलका महाप्रबन्धक मेखबहादुर थापाले हस्ताक्षर गरेका छन् ।
अंकित मूल्य एक सय रुपैंयाको दरमा ७५ करोड ४० लाख रुपैंया बराबरको ७५ लाख ४० हजार कित्ता हकप्रद निष्काशन हुन लागेको हो ।हाल चुक्ता पूँजी १ अर्ब २५ करोड ६७ लाख २५ हजार रहेको एसियनको जीवन बीमा कोष १३ अर्ब १३ करोड र कुल लगानी १२ अर्ब २९ करोड ९६ लाख पुगेको छ ।
२०७५ भदौ १ गते प्रकाशित
वि.सं.२०७५ भदौ १ शुक्रवार १७:४६ मा प्रकाशित
