काठमाडौं । नाडा अटो सो २०१८ को सन्दर्भमा नेपालका लागि टोयोटा व्राण्डको सवारी साधनहरुको आधिकारिक अधिकृत विक्रेता यूनाईटेड टेर्डस् सिन्डिकेट्स प्रा.लि र गरिमा विकास वैंक विच टोयोटा व्राण्डको सवारी साधनहरुमा कर्जा लगानीको लागि सम्झौता भएको छ । वार्षिक १०.५०% व्याजदरमा कर्जा १२ वर्षसम्मका लागि लगानी गर्न सक्ने गरी सम्झौतापत्रमा हस्ताक्षर गरिएको हो । यूनाईटेड टेर्डस् सिन्डिकेट्स प्रा.लि तथा त्यस सस्थाका आधिकारीक डिलरहरुवाट खरीद गरिएका टोयटा व्राण्डका सम्पूर्ण सवारी साधनहरुमा यस वैंकले वार्षिक १०.५०% व्याजदरमा १२ वर्षका लागि १४४ महिनाको सरल किस्तावन्दी कर्जा दिने सम्बन्धमा गरिमा विकास बैंक लिमिटेड र यूनाईटेड टेर्डस् सिन्डिकेट्स प्रा.लि बीच सम्झौता सम्पन्न भएको छ ।
भाद्र २५ गते सोमवार गरिमा विकास बैंक लिमिटेडको तर्फबाट प्रमुख कार्यकारी अधिकृत श्री गोविन्द प्रसाद ढकाल र यूनाईटेड टेर्डस् सिन्डिकेट्स प्रा.लि को तर्फबाट महाप्रबन्धक श्री महेश कुमार ज्यूले सम्झौतापत्रमा हस्ताक्षर गर्नुभएको छ । यस सम्झौता पश्चात गरिमा विकास बैंक लिमिटेडवाट टोयटा कम्पनीको LIVA ETIOS मात्र रु.२९,२०२÷मासिक किस्तामा, ETIOS CROSS मात्र रु. ३३,४१९÷ मासिक किस्तामा साथै हालसालै वजारमा आएको TOYOTA RUSH मात्र रु.५३,२३२÷ मासिक किस्तामा लगायत अन्य यस कम्पनीले विक्री गर्ने सम्पुर्ण व्राण्डका सवारी साधनहरुमा १२ वर्षे सरल किस्तावन्दीमा कर्जा उपलव्ध गराउने जनाएको छ ।
साथै पर्यटन व्यवसायीहरुका लागि पनि यस व्राण्डका सवारी साधनहरुलाई समेत यो स्किम दिन सकिने वैंकले जनाएको छ । यो कर्जा सुविधा यस वैंकका सम्पूर्ण ६१ शाखा कार्यालयहरुवाट पाईने छ । काठमाडौंको लाजिम्पाटमा केन्द्रिय कार्यालय रहेको गरिमा विकास बैंक लिमिटेडका राजधानीमा ६ वटा शाखा कार्यालयहरु सहित देशभर ६१ शाखा कार्यालय संचालनमा रहेका छन । विकास बैंकले छिट्टै नै ललितपुरको कुमारीपाटी, भक्तपुरको सुर्यविनायक, पोखराको रामबजार, दाङ्गको घोराही र कैलालीको धनगढीमा समेत शाखा कार्यालय खोल्दैछ ।
वैंकले हालसम्म निक्षेप तर्फमा रु.२२ अरव परिचालन गरिसकेको छ भने कर्जा तर्फ लगानी रु.२० अरव गरिसकेको छ भने गत वर्षको नाफावाट लगानी कर्ताहरुलाई १०% वोनश शेयर र ३.७५% नगद लाभांस आगामी साधारण सभावाट स्वीकृत हूने गरि नेपाल राष्ट्र वैंक स्विकृतार्थ पेश समेत गरिसकेको छ ।
२०७५ भदौ २६ गते प्रकाशित
वि.सं.२०७५ भदौ २६ मंगलवार १६:५२ मा प्रकाशित
