काठमाडौ । अरुण भ्याली हाइड्रोपावर डेभलपमेन्ट कम्पनीले ५ करोड ३२ लाख ८७ हजार रुपैयाँ खुद नाफा कमाएको छ ।
कम्पनील अघिल्लो वर्षको यही अवधिको तुलनामा ३ करोड १९ लाख २३ हजार रुपैयाँले बढी भएकोे जनाएको छ । कम्पनीले अघिल्लो वर्ष २ करोड १३ लाख ६४ हजार रुपैयाँ खुद नाफा आर्जन गरेको थियो ।
कम्पनीको चौथो त्रैमासको वित्तीय विवरणअनुसार विद्युत बिक्रीबाट ५ करोड ४७ लाख ७३ हजार रुपैयाँ आम्दानी भएको छ । यो अघिल्लो वर्षको तुलनामा करिब २७ लाख १३ हजाररुपैयाँले बढी हो ।
अन्य शिर्षकबाट पनि कम्पनीले ४ करोड २२ लाख ५९ हजार रुपैयाँ आम्दानी गरेको छ । अन्य शिर्षकको अघिल्लो वर्षको आम्दानी १ करोड ८९ लाख ९१ हजार थियो ।
२०७६ साउन २८ गते प्रकाशित
वि.सं.२०७६ साउन २८ मंगलवार १४:३९ मा प्रकाशित
