२०७६ कात्तिक ०९ गते प्रकाशित
काडमाडौं । मोटरसाईकल अहिले कामकाजी व्यक्तिदेखि व्यवसायीहरुसम्मका लागि नभइ नहुने आवश्यकताको साधन बनिसकेको छ ।
बढ्दो सवारी चापले गर्दा सार्वजनिक सवारी साधनमा हुने ढिलाइका कारण पनि मोटरसाइकल प्रयोगकर्ताको संख्या बढ्दो छ । त्यहि आवस्यकता पूरा गर्न विभिन्न कम्पनीले विभिन्न प्रकारका मोटरसाइकल उत्पादन गरेका छन् ।
नेपाली बजारमा पल्सर, एभेन्जर, डिस्कभर भन्ने बित्तिकै चर्चित र लोकप्रिय मोटरसाइकल मानिन्छन् । यी लोकप्रिय मोटरसाइकलको उत्पादक हो बजाज ।
बजाजले भिन्नाभिन्नै आर्थिक स्तर र भिन्नाभिन्नै रुचि भएकाहरुलाई भिन्नाभिन्नै प्रकारका मोटरसाइकल बजारमा ल्याएको छ । सबैभन्दा महंगो पल्सर एनएस एबीएस २०० देखि सबैभन्दा सस्सो प्लेटिनाजसम्मको नयाँ मूल्यसूचि सार्वजनिक भएको छ ।
बजाज कम्पनीका अनुसार नेपालमा सबैभन्दा महंगो पल्सर एनएस एबीएस २०० सीसीको मूल्य ३ लाख ३४ हजार ९ सय रहेको छ ।
त्यस्तै तीनलाख भन्दा धेरै मूल्य पर्नेमा पल्सर २०० एनएसको मूल्य ३ लाख १९ हजार ९००, पल्सर २२० एफ डीटीएस–आईको ३ लाख १४ हजार ९०० रहेको छ ।
त्यस्तै एभेन्जर क्रुस २२० को ३ लाख ३९ हजार ९ सय, एभेन्जर स्ट्रीट २२० को ३ लाख १९ हजार ९ सय रुपैयाँ रहेको छ । तीन लाख भन्दा कम मूल्य पर्नेमध्ये एभेन्जर स्ट्रीट १८० को २ लाख ९९ हजार ९ सय, पल्सर एनएस १६० को २ लाख ८६ हजार ९००, पल्सर १८० डीटीएस–आईको २ लाख ७८ हजार ९००, पल्सर १५० डीटीएस–आई टीडीको २ लाख ६४ हजार ९ सय र १५० डीटीएस–आईको २ लाख ५३ हजार ९ सय र डिस्कभर १२५ एसटीको २ लाख २ हजार ९ सय रहेको छ ।
त्यस्तै २ लाख भन्दा कम मूल्यपर्ने मध्ये डिस्कभर १२५ डिस्क वालाको १ लाख ९२ हजार ९ सय र ड्रम वालाको १ लाख ८५ हजार ९ सय रहेको छ ।
बजारको सबैभन्दा सस्तो मोटरसाइकलको रुपमा रहेको प्लाटिनाज को १ लाख ६४ हजार ९ सय रहेको छ ।
वि.सं.२०७६ कात्तिक ९ शनिवार १५:५० मा प्रकाशित
