काठमाडौं । माछापुच्छ्रे बैङ्कले चालु आर्थिक वर्षको पहिलो त्रैमासिकमा आक्रामक रुपमा शाखा विस्तार गर्नुका साथै ३७ करोड ६० लाख खुद नाफा कमाउन सफल भएको छ ।
चालु आवको असोज महिनासम्मको प्रगति विवरण सार्वजनिक गर्दै बैङ्कले गएको आर्थिक वर्षमा ४३ शाखा थप गरी कुल शाखा १३१ पुर्याएको थियो भने यस वर्षको पहिलो तीन महिनामै १२ शाखा विस्तार गरेर १४३ पुर्याएको उल्लेख गरेको छ ।
यस अवधिमा बैङ्कले ८.५ अर्व रुपैयाँ कर्जा प्रवाह गरेर कुल कर्जा रु ८६ अर्ब पुर्याएको छ । त्यसैगरी बैङ्कले सोही अवधिमा ६.०७ अर्ब निक्षेप संकलन एव ३ अर्ब बराबरको ऋणपत्र पूर्णरुपमा बिक्री गरी कूल ९.०७ अर्ब रुपैयाँ बराबरको स्रोत जुटाउन सफल भएको बैङ्कले जनाएको छ ।
२०७६ कात्तिक २९ गते प्रकाशित
वि.सं.२०७६ कात्तिक २९ शुक्रवार ०८:५५ मा प्रकाशित
