काठमाडौं । छिमेक लघुवित्त वित्तीय संस्थाले आफ्ना सेयरधनीलाई २७.११ प्रतिशत बोनस सेयर दिने भएको छ । संस्थाका वरिष्ठ विभागीय प्रमुख दिपक पाण्डेका अनुसार सञ्चालक समितिको बैठकले गत आर्थिक वर्षको मुनाफाबाट उक्त रकम बराबरको बोनस सेयर दिने जनाएको हो ।
गत आवको मुनाफाबाट हाल कायम चुक्ता पुँजी १ अर्ब १८ करोडको २७.११ प्रतिशतले हुन आउने ३२ करोडको बोनस सेयर र उक्त चुक्ता पुँजीको १७.२१ प्रतिशत अर्थात् २० करोड ३१ लाखको नगद लाभांश दिने संस्थाले जनाएको छ ।
यसका लागि आव ०७५र७६ को वार्षिक वित्तीय विवरण प्रकाशन गर्न राष्ट्र बैंकले संस्थालाई मंगलबार स्वीकृति दिएको छ। वितरण गर्न लागिएको उक्त रकम र बोनस सेयर कर समेत हो ।
२०७६ मंसिर ०३ गते प्रकाशित
वि.सं.२०७६ मंसिर ३ मंगलवार १६:२२ मा प्रकाशित