काठमाडौं । आफ्नै माताहतको क्षेत्रिय कमिटीले न्याय माग्दा एनआरएनए जापानले धम्कीपूर्ण भाषाको प्रेस विज्ञप्ति जारी गरेपछि विवाद छताछुल्ल पोखिएको छ ।
एनआरएनए नागोया क्षेत्रिय कमिटीले अधिवेशनका बेला भएको विवादलाई न्याय दिन माग गर्दै बैठद्वारा निर्णय गरी राष्ट्रिय कमिटी समक्ष माग गरेको थियो । सो विषयलाई लिएर राष्ट्रिय समितिका अध्यक्ष र महासचिवले आफ्नै माताहतको कमिटीलाई निन्दा गर्दै विज्ञप्ति जारी गरेको छ ।
राष्ट्रिय कमिटीको विज्ञप्तिले विवाद सुल्झाउन भन्दा पनि बढाउन मद्दत गरेको भन्दै जापानमा बस्ने गैर आवासिय नेपालीहरुले चिन्ता प्रकट गरेका छन् ।
विज्ञप्तिमा प्रयोग गरिएका भाषा तल्लो कमिटीका पदाधिकारीलाई निर्देशनात्मक भन्दा पनि धम्किपूर्ण रहेको अधिकांश नागोया क्षेत्रिय समितिका सदस्यहरुको ठहर छ ।
विज्ञप्तिमा भनिएको छ ‘क्षेत्रिय कमिटीले अधिवेशनका बेला भएका विषयवस्तुलाई लिएर गरेको निर्णय प्रति एनसिसी जापानको गम्भीर ध्यानाकर्षण भएको’ र ‘आफ्नै संस्थाको शरीर र खुट्टा विच्छेदन गराउन उत्प्रेरित गराइएको’ आरोप लगाउँदै ‘उक्त कार्यको घोर भ्रत्सना गर्दछ’ उल्लेख गरिएको छ ।
यतिबेला राष्ट्रिय कमिटीद्वारा जारी विज्ञप्तिलाई सामाजिक सञ्जालमा छ्यापछ्याप्ती बनाइएको छ । जापानमा देखिएको विवाद विश्वभरका विभिन्न राष्ट्रमा वसोबास गर्ने एनआरएनएका बीचमा भाइरल बनेको छ ।
हेर्नुहोस विज्ञप्तिको पूर्ण पाठ
२०७४ माघ १२ गते प्रकाशित
वि.सं.२०७४ माघ १२ शुक्रवार २३:१० मा प्रकाशित