काठमाडौँ । ग्रामीण पर्यटन प्रवद्र्धन मञ्च (भिटोफ) को २२ औँ साधारणसभाले ध्रुव सिंखडाको अध्यक्षमा नयाँ कार्यसमिति निर्वाचित गरेको छ ।
दुई प्यानलबीच भएको चुनावी प्रतिस्पर्धाको मंगलबार राति सम्पन्न मतगणनामामा नेकपा निकटका वासु पण्डेलार्इ ३५ मतले पराजित गर्दै नेकपा निकटकै सिंखडा विजयी बनेका हुन । धादिङमा जन्मिएका सिंखडा लामो समयदेखि पर्यटन व्यवसायमा क्रियाशिल रहेका छन । उनले यसअघि भिटोफको प्रथम उपाध्यक्षको जिम्मेवारीमा समेत रहीसकेका थिए ।
यस्तै प्रथम उपाध्यक्षमा दीपक दाहाल र तिय उपाध्यक्षमा गोपाल थापा विजयी भएका छन । उनीहरू दुबै पाण्डे समूहका उम्मेदवार हुन । महासचिवमा सिंखडा प्यानलबाट उम्मेदवार बनेकी कांग्रेस निकट व्यवसायी जस्फा पाण्डे नेकपा निकटका दीपक खनाललार्इ ३ मतले पराजित गर्दै विजयी भएकी छिन ।
यस्तो छ निर्वाचित कार्यसमिति :
१. धुर्ब सिम्खडा – अध्यक्ष
२. दिपक दाहाल – प्रथम उपाध्यक्ष
३. गोपाल थापा – दित्तिय उपाध्यक्ष
४. जस्फा पान्डे – महासचिव
५. नबराज थापा – सचीव
६. राजकुमार धमला – कोषादस्य
७. सकुन्तला देबकोटा – सह–कोषादस्य
८. जीवन थपालिया – सदस्य
९. देबि कृष्ण रोकाया – सदस्य
१०. राममनि रिजाल – सदस्य
११. सान्त कुमार बानिया – सदस्य
फिटोफमा पहिलो पटक प्यानलै बनाएर चुनावमा होमिएका व्यवसायीका बीचमा चुनावी रौनकता बढी नै देखिएको थियो । नेकपा निकटका व्यवसायीले एउटा प्यानल निर्माण गरेका थिए भने तत्कालीन एमालेबाट असन्तुष्ट बनेको समूहले कांग्रेससँगको सहकार्यमा अर्को समूह निर्माण गरेको थियो ।
वि.सं.२०७५ साउन १६ बुधवार ०१:२२ मा प्रकाशित
