काठमाडौं । उपसभामुख शिवमाया तुम्बाहाम्फेले उपसभामुखबाट राजिनामा दिन प्रधानमन्त्रीले गर्नुभएको प्रस्तावलाई अस्विकार गर्नुभएको खबरमा सत्यता नरहेको पाइएको छ ।
मन्त्रिपरिषद पुनर्गठनको सारगमी चलिरहेका बेला आएको यस्तो खबरको वास्तविकता भने फरक छ । उपसभामुख निकट स्रोतका अनुसार शिवमाया तम्बाहाम्फे मन्त्री बन्ने निश्चित छ ।
तर, संसद खाली गरेर जानु भन्दा सभामुखको निर्वाचन भएपछि राजिनामा दिन उपयुक्त ठानेर हाललाई मन्त्री नबन्ने हुनुभएको हो । बाहिर आएजस्तो प्रधानमन्त्रीको आग्रहलाई अस्विकार गरेको नभई संसद खाली गरेर मन्त्री बन्न जाने कुराले गलत सन्देश दिने बताउँदै सभामुखको निर्वाचन प्रकृया शुरु भएपछि उहाँले राजीनामा दिनुहुनेछ निकट स्रोतले भन्यो ।
नयाँ सभामुखको आगमन पश्चात भने तम्बाहाम्फे मन्त्री बन्ने निश्चित भएको स्रोतको दावी छ । उहाँ मन्त्रिपरिषदको पुनर्गठन, सभामुखको निर्वाचन प्रकृया लगायतको विषयमा परामर्श गर्न राष्ट्रपति कार्यालय जानुभएको हो ।
२०७६ मंसिर ०४ गते प्रकाशित
वि.सं.२०७६ मंसिर ४ बुधवार १५:१२ मा प्रकाशित
