काठमाडौँ । सरकारी जागिरको खोजिमा रहेका नेपालीहरुका लागि सुनौलो अवसर सृजना भएको छ । विभिन्न पदका लागि दुग्ध विकास संस्थानल ठूलो संख्यामा कर्मचारी माग गरेको छ ।
संस्थानले अधिकृत स्तर र सहायक स्तरमा गरेर १२३ जना कर्मचारीको माग गरेको छ । संस्थानले एक सूचना प्रकाशित गरी अधिकृतस्तरमा ३३ जना र सहायक स्तरमा ९० जना कर्मचारी माग गरेको हो ।
आन्तरिक प्रतियोगिता, खुला तथा समावेशी पदको प्रतियोगितात्मक परीक्षाद्वारा स्थायी पदपूर्ति गरिने संस्थानको पदपूर्ति समितिले जारी गरेको सूचनामा उल्लेख छ ।
आगामी मंसिर १९ गतेभित्र र दोब्बर दस्तुर तिरी मंसिर २६ गतेभित्र आवेदन दिन सक्ने सूचनामा जनाइएको छ ।
२०७६ मंसिर १२ गते प्रकाशित
वि.सं.२०७६ मंसिर १२ बिहीवार १०:२६ मा प्रकाशित
