धादिङ । धादिङको निलकण्ठ नगरपालिका-८ ससाह ज्यामिरेमा भएको ट्रक दुर्घटनामा घाइते भएकालाई हेलिकप्टरमार्फत काठमाण्डौ ल्याइएको छ ।
घाइते भएकामध्ये १५ जनालाई उपचारको लागि काठमाण्डौ ल्याइएको हो । दुर्घटनामा ६ जनाको ज्यान गएको थियो भने ३२ जना घाइते भएका थिए । ट्रकमा करिब ४० जना यात्रु रहेका थिए ।
घाइते भएकामध्ये केहीको धादिङ जिल्ला अस्पतालमा उपचार भैरहेको प्रहरीले जनाएको छ । तीव्र गतिका कारण ट्रक दुर्घटना भएको प्रहरीले जनाएको छ ।
२०७६ माघ ०७ गते प्रकाशित
वि.सं.२०७६ माघ ७ मंगलवार १९:२१ मा प्रकाशित
