काठमाण्डौं । अमेरिकी म्यागजिन फोर्ब्सले सार्वजनिक गरेको एक सय खेलाडीको सूचीअनुसार रियल मड्रिड स्टार क्रिस्टियानो रोनाल्डो विश्वकै सर्वाधिक कमाउने खेलाडी बनेका छन् ।
गत वर्ष यस सूचीको तेस्रो स्थानमा रहेका रोनाल्डोको कमाई ८८ मिलियन अमेरिकी डलर भएको पनि फोब्र्सले उल्लेख गरेको छ । सर्वाधिक कमाउने खेलाडीको सूचीको दोस्रो स्थानमा अर्का फुटबलर लियोनल मेसी रहेका छन्।
यस्तै तेस्रो स्थानमा बास्केटबल खेलाडी ले ब्रोन जेम्स रहेका छन्। चौथो स्थानमा टेनिसका रोजर फेडेरर छन्। सूचीको पाँचौ स्थानमा बास्केटबलका केभिन डुरान्ट छन्। छैटौ स्थानमा टेनिसका नोभाक जोकोभिच, सातौंमा अमेरिकन फुटबलका काम न्युटन, आठौंमा गल्फका फिल मिकेलसन, नवौंमा गल्फकै जोर्डन स्पिथ र दसौं स्थानमा बास्केटबलका कोब ब्रायन्ट रहेका छन्।
२७ जेठ २०७३, १।००
वि.सं.२०७३ जेठ २७ बिहीवार १३:२६ मा प्रकाशित
