काठमाडौँ । नेकपा एमाले चन्द्रागिरी वडा कमिटि ७ ले तराइको बाढी प्रभावितलाई नगद रु. ६४ हजार ९ सय ७५ हस्तान्तरण गरेको छ । कमिटिले तीज कार्यक्रम आयोजना गरेर उक्त रकम संकलन गरेको हो ।
कार्यक्रमा वडा कमिटिका अध्यक्ष राम थापाले अखिल नेपाल महिला संघकी केन्द्रिय अध्यक्ष गोमा देवकोटालाई राहत स्वरुप सो नगद हस्तान्तरण गरेका छन् ।
अविरल वर्षासँगै तराईमा गएको बाढीले पुराएको जनधनको क्षति प्रति यो संकलित राहत केन्द्रित हुने अनेम संघ अध्यक्ष देवकोटाको भनाई छ । उनले सहयोगको लागि वडा कमिटिलाई विशेष धन्यवाद दिएका छन् ।
कार्यक्रममा नेकपा एमाले केन्द्रिय सदस्य बिना श्रेष्ठ , काठमाडौं जिल्ला सदस्य तथा चन्द्रागिरी नगर कमिटि उपसंयोजक प्रलाहद बहादुर कार्की जिल्ला सदस्य रमा आलेमगर बेलिमाया घले लगायतको उपस्थिती रहेको थियो ।
प्रकाशित मितिः २०७४ भाद्र १५
वि.सं.२०७४ भदौ १५ बिहीवार १८:५५ मा प्रकाशित
