काठमाडौ । पूर्वराजा ज्ञानेन्द्र शाह मुटुमा समस्या आएपछि अस्पताल भर्ना भएका छन्। बुधबार बिहान अकस्मात मुटुमा समस्या आएपछि उनी उपचारका लागि नर्भिक अस्पताल भर्ना भएका हुन्।
बिहान ७ बजे अस्पताल पुगेका शाहको मुटुको धमनीमा समस्या देखिएपछ बेड नम्बर ४०१ भिआइपी कक्षमा भर्ना गरेर उपचार भइरहेको अस्पतालले जनाएको छ। मुटुको उपचारका लागि अस्पताल भर्ना भएका पूर्वराजा ज्ञानेन्द्र शाहको एनजीओप्लाष्टी गरिएको छ । धमनीमा सामान्य अवरोध देखिएकाले एनजीओप्लाष्टी गरिएको नर्भिक अस्पतालले जनाएको छ । अस्पतालका अनुसार पूर्वराजा शाहको स्वास्थ्य अहिले सामान्य छ ।
उनलाई केही दिन अस्पतालमै राखेर उपचार गर्नुपर्ने र आराम गर्नुपर्ने चिकित्सकहरुले बताएका छन् ।
प्रकाशित मितिः २०७४ साउन ४
वि.सं.२०७४ साउन ४ बुधवार १५:२५ मा प्रकाशित
