चिन भ्रमणमा रहेका उपप्रधान तथा परराष्ट्रमन्त्री कृष्णबहादुर महराले बिहिबार बेइजिङमा आफ्ना चीनियाँ समकक्षी वाङ यीसँग भेटवार्ता गरेका छन्। भेटका अवसरमा द्वीपक्षीय हित तथा साझा चासोका साथै चीनले अघि सारेको बेल्ट एण्ड रोड इनिसियटिभ्सको कार्यान्वयनलाई तीव्रता दिने लगायतका विषयमा छलफल भएको जनाईएको छ।
बिहिबार नै बेइजिङस्थित नेपाली दूतावासमा गरिने रात्रीभोजमा मन्त्री महराले भेटघाट तथा भ्रमणका बारेमा थप जानकारी दिइने कार्यक्रम रहेको छ । चीनियाँ विदेशमन्त्री वाङ यीको निमन्त्रणामा उपप्रधान तथा परराष्ट्रमन्त्री महरा ६ दिने राजनीतिक भ्रमणका क्रममा बुधबार बेइजिङ पुगेका हुन् । महराले चीनियाँ प्रधानमन्त्री ली खछ्याङसँग शिष्टाचार भेट गर्ने कार्यक्रम छ भने शुक्रबार बेइजिङस्थित चाइना फरेन अफेयर्स युनिभर्सिटीमा आयोजना हुने अन्तरक्रियामा आफ्नो धारणा राख्ने कार्यक्रम छ। साथै व्यापारिक सहर क्वाङचौमा नेपाली महावाणिज्य दूतावासको औपचारिक उद्घाटन गर्ने कार्यक्रम पनि रहेको छ।
प्रकाशित मितिः २०७४ भदौ २२
वि.सं.२०७४ भदौ २२ बिहीवार १४:४० मा प्रकाशित
