काठमाडौं । नेपाल राष्ट्रिय पर्यटन व्यवसायी संगठन प्रदेश नम्बर २ को अध्यक्षमा डा. विजय दत्त चयन भएका छन् ।
माघ २६ गते सर्लाहीको हरिवनमा आयोजित प्रदेश नम्बर २ स्तरीय भेलाले २१ सदसिय प्रदेश कमिटीको गठन गरेको थियो । प्रदेश कमिटीको उपाध्यक्षमा सुधिर उपाध्यय सचिव शम्भु मैनाली, सहसचिवमा रामबली दास कोषाध्यक्षमा सरिता लज्जा रेग्मी चयन भएका छन् । त्यसैगरी सदस्यहरुमा राजकिशोर यादव, प्रद्युम्न चौहान, मगन कामत, धर्मराज ढुंगाना, खड्ग बम्जन, मानबिर माझी, पल्टु पण्डित, पेशलकुमार रेग्मी, रामपाल यादव, ब्रजकिशोर मण्डल, राम धौजी चयन भएका छन् ।
एमाले स्थायी कमिटीका सदस्य सत्यनाराण मण्डलको प्रमुख आतिथ्यमा सम्पन्न विशेष अतिथि एमाले पोलिटव्युरो सदस्य नागेन्द्र चौधरी र पर्यटन प्रबद्र्धन विभागका प्रमुख केन्द्रीय सदस्य सूर्य थापा रहेका थिए । कार्यक्रममा एमाले केन्द्रीय सदस्य श्रीप्रसाद शाह, नेपाल राष्ट्रिय पर्यटन व्यवसायी संगठनका अध्यक्ष चन्द्रप्रसाद रिजाल लगायतको उपस्थिति रहेको थियो ।
कार्यक्रममा प्रा.डा विजय दत्तले प्रदेश नम्बर २ को पर्यटकीय सम्भावना र चुनौतिका विषयमा कार्यपत्र प्रस्तुत गरेका थिए ।
वि.सं.२०७३ फागुन ११ बुधवार ११:४९ मा प्रकाशित
