काठमाडौ । पुननिर्माणको गति सुस्त भएको दोष राष्ट्रिय पुनर्निर्माण प्राधिकरणका प्रमुख कार्यकारी अधिकृत सुशील ज्ञवालीमाथि थोपर्दै सरकारले बिहीबार (आज) उनलाई बर्खास्त गरेको छ । काम सन्तोषजनक नभएको आरोप लगाउँदै बिहीबार बसेको मन्त्रीपरिषको बैठकले ज्ञवालीलाई बर्खास्त गरेको हो ।
उनलाई तत्कालीन केपी ओली नेतृत्वको सरकारले ज्ञवालीलाई प्राधिकरण प्रमुखमा नियुक्त गरेको थियो । भूकम्पपछिको पुनःनिर्माणका काम द्रुत गतिमा सम्पादन गर्न नसकेको भन्दै बर्खास्त गर्नका लागि सरकारले ज्ञवालीलाई स्पष्टीकरण सोधेको थियो । सरकारले सोधेको स्पष्टीकरण ज्ञवालीले बुधबार बुझाएका थिए ।
सरकारबाट आफूलाई पदमुक्त गरेको पत्र प्राप्त हुनेबित्तिकै ज्ञवाली भने कानुनी उपचारको बाटोमा अगाडि बढ्ने देखिएको छ ।
प्रकाशित मितिः २०७३ पुस २१
वि.सं.२०७३ पुस २१ बिहीवार १६:४० मा प्रकाशित