back
NMB ad

माघीको दिन पारेर धेरै पटक लिलामीमा चढें : शान्ता चौधरी

Kumari bank ad

शान्ता चौधरी । मेरो एउटा उमेर थियो, विगतका दिनहरु थिए त्यसबेला माघी आउँदा असाध्यै खुसी भइन्थ्यो । यसकारण पनि खुसी भइन्थ्यो कि आँशु बिर्सन सकियोस् । थारु समुदायको सबैभन्दा ठूलो चाड माघी म अनि मेरो उमेरका बालबालिकाका लागि उल्लास बोकेर मात्र आउँदैनथ्यो, लिलामीमा चढ्नुपर्ने पीडा बोकेर पनि आउँथ्यो । माघी आयो भनेर सबै खुसी हुन्थे, अरु खुसी भएको देखेर हामी पनि खुसी हुन्थ्यौं तर ह्रदयभित्र आँशुका धारा बग्थे । माघीको दिन पारेर म धेरै पटक लिलामीमा चढें, नयाँनयाँ घरमा कमलरी बस्न पुगें । माघीसँगै जीवन झन जर्जर बन्दै गयो, मेरो उमेर बढ्दै गयो, पीडा र समस्या बढ्दै गयो । हरेक वर्ष माघी आइरह्यो तर मेरो जीवनमा खुसी आएन ।


नेपालको सबैभन्दा धेरै मानिसले मनाउने चाड माघी हो भन्ने धेरै पछि मात्र थाहा पाएँ । अहिले म माघीमा दुखी हुन्न, खुसी मनाउँछु, रमाउँछु, उल्लासमा डुब्छु किनभने यो महान चाड हो । यति साझा चाड नेपालमा अरु छैन जस्तो लाग्छ ।


म मात्र होइन, हजारौं हजार कमैया कमलरीले यही जीवन भोगे । महान चाड माघीको उपलक्ष्यमा खुसी हुने कि आँशु बगाउने भन्ने राम्ररी महशुस नगरी हजारौंले बालापन बिताएका छन् । माघी आँशुको पर्व कि खुसीको पर्व भन्ने नबुझेरै बालापन बितेको छ । अनि, आफ्ना सन्तानलाई कमलरी बनाएर पठाउँदा माघीका दिन बाआमाहरुको मनमा के गुज्रन्थ्यो होला ? उनीहरुले पनि माघीको खुसी अनुहारमा देखाउँथे तर मन त रोएकै हुन्थ्यो ।

तर, अहिले म माघीमा दुखी हुन्न, खुसी मनाउँछु, रमाउँछु, उल्लासमा डुब्छु । किनभने यो महान चाड हो । महान सांस्कृतिक पर्व हो । पहिले मलाइ लाग्थ्यो– हामी थारुले मात्र माघी मनाउँछौं । तर, नेपालको सबैभन्दा धेरै मानिसले मनाउने चाड माघी हो भन्ने धेरै पछि मात्र थाहा पाएँ । मलाई के लाग्छ भने हिमालदेखि तराईसम्म एकसाथ मनाइने कुनै चाड छ भने त्यो माघी नै हो । माघीलाई माघे संक्रान्ति तथा अन्य विभिन्न नामले पनि मनाइन्छ । जे नाम भने पनि आजको दिनले देशलाई जोड्छ, समुदायहरुलाई जोड्छ, मानिस र मानिसलाई जोड्छ । अहा, कति साझा र सुन्दर चाड छ माघी ! यति साझा चाड नेपालमा अरु छैन जस्तो लाग्छ ।

तैपनि माघी थारु समुदायको विशेष परिचय बनेको छ । थारु र माघी अनन्य छन् । विगतमा माघीमा कमैया कमलरी लिलामीको जुन कुप्रथा थियो त्यो सामाजिक कुसंस्कारको मात्र उपज थिएन । कतिपयले जातीय उत्पीडन भन्ने गरेका छन् तर म यो मान्न तयार छैन । धनी थारुले पनि कमैया कमलरी राख्ने गरेका थिए । गरिब थारुका सन्तान अहिले पनि कमलरीको हालतमा छन्, कमैया मुक्ति भनियो तर आर्थिक रुपमा दास हजारौं थारु छन् । थारु मात्र नभएर अन्य जातीय समुदायका बालबालिका पनि धनीका घरमा काम गर्न बसेका छन् । सबै जातीय समुदायका मानिस विपन्न हालतमा छन् । त्यसकारण आर्थिक विषमता हटाउनु नै यी समस्याको समाधान हो । हामीले आर्थिक समस्या जातीय आधारमा समाधान गर्न सक्दैनौं, वर्गीय मुद्दालाई आर्थिक रुपमा नै समाधान गर्नुपर्छ । मानिस सम्पन्न भयो भने उसले आफ्नो जातीय संस्कृति पनि जोगाउन सक्छ ।

त्यसैले महान माघी पर्वले सबैलाई जाति र पार्टीभन्दा माथि उठेर मानवता भन्ने प्रेरणा दिओस्, देश भन्न सिकाओस् । हरेक संस्कृतिको कदर गर्न सिकाओस् । माघीको उपलक्ष्यमा सबैमा हार्दीक शुभकामना व्यक्त गर्दछु । तपाईंहरुको आगामी दिन शुभ र सफल होस् । देशमा शान्ति होस्, देशले आर्थिक प्रगति गरोस्, कसैले पनि विपन्न हालतमा रहन नपरोस् ।

शुभकामना !!!

चौधरीको फेसबुकबाट 

वि.सं.२०७२ माघ १ शुक्रवार १३:४६ मा प्रकाशित

You can share this post!

अधुरा दुई सय ८० वटा खानेपानी आयोजना निर्माण गर्न तीन अर्ब लाग्ने   

अधुरा दुई सय ८० वटा खानेपानी आयोजना निर्माण गर्न तीन अर्ब लाग्ने   

वि.सं.२०८१ असार ११ मंगलवार १८:११

प्रगति ढकाल काठमाडौँ, ११ असार : अधुरा र विविध कारणले...

मेटलाइफ ग्राहकहरूलाई १०० भन्दा बढी स्वास्थ्य संस्थानको सेवाहरुमा छुट

मेटलाइफ ग्राहकहरूलाई १०० भन्दा बढी स्वास्थ्य संस्थानको सेवाहरुमा छुट

वि.सं.२०८१ असार ११ मंगलवार १८:०५

काठमाडौं । मेटलाइफ नेपालले आफ्ना प्रिय ग्राहकहरूको हितलाई अभिवृद्धि गर्न...

युथ लिडरसीप समिट–२०२४ ले जारी गरेको २१ बुँदे घोषणापत्र सार्वजनिक

युथ लिडरसीप समिट–२०२४ ले जारी गरेको २१ बुँदे घोषणापत्र सार्वजनिक

वि.सं.२०८१ असार ११ मंगलवार १७:५२

काठमाडौं । युवा गैरसरकारी संस्था महासंघ नेपालको पाँचौं महाधिवेशन एवं...

आन्तरिक वा बाह्य ऋण उत्पादनमूलक क्षेत्रमा खर्च गर्छौँ : अर्थमन्त्री पुन   

आन्तरिक वा बाह्य ऋण उत्पादनमूलक क्षेत्रमा खर्च गर्छौँ : अर्थमन्त्री पुन   

वि.सं.२०८१ असार ११ मंगलवार १७:४५

काठमाडौँ, ११ असार : अर्थमन्त्री वर्षमान पुनले आन्तरिक वा बाह्य...

प्रभु बैंक र नेपाल क्यान्सर हस्पिटल एण्ड रिसर्च सेन्टरबीच सम्झौता

प्रभु बैंक र नेपाल क्यान्सर हस्पिटल एण्ड रिसर्च सेन्टरबीच सम्झौता

वि.सं.२०८१ असार ११ मंगलवार १७:३७

काठमाडौं । प्रभु बैँकका कर्मचारीहरुलाई लक्षित गर्दे हरिसिद्धि, ललितपुरमा अवस्थित...

मनप्रिय मनाङ   

मनप्रिय मनाङ   

वि.सं.२०८१ असार ११ मंगलवार १७:१७

रामबहादुर थापा गण्डकी, ११ असारः प्रकृतिअघि मानव जातिले गरेका ठूलाठूला...