back
mega bank Ad
Hero Ad

राष्ट्रिय औद्योगिक प्रदर्शनी, एक लाख दर्शकले अवलोकन गरे

चितवन । ‘दीगो आर्थिक विकासको लागि औद्योगिक प्रवद्र्धन’ भन्ने मुल नाराका साथ संचालन भएको चौथो राष्ट्रिय औद्योगिक प्रदर्शनी–२०७२ आज (आईतबार)देखि सकिएको छ ।

चितवन उद्योग संघको आयोजनामा भएको प्रदर्शनीको व्यवस्थापिका सांसद एवंम् पूर्व अर्थमन्त्री सुरेन्द्र पाण्डेको प्रमुख आतिथ्यतामा समापन भएको हो । कार्यक्रममा बोल्दै पूर्व मन्त्री तथा सांसद पाण्डेले अबको राष्ट्रियता भनेकै अर्थतन्त्र भएको भन्दै अब यसलाई बलियो बनाउनुपर्ने बताए । उनले चितवनमा औद्योगिक प्रदर्शनी स्थल बनाउनका लागि आफूले सक्दो पहल गर्ने प्रतिवद्धता जनाए ।

सात दिन सम्म चलेको प्रदर्शनीमा एक लाख दर्शकले अवलोकन गर्नुको साथै करिव अप्रत्यक्ष रुपमा १५ करोड रुपैयाँ बराबरको आर्थिक कारोबार भएको आर्थिक समितिका संयोजक भेषराज दुवाडीले जानकारी दिए । प्रदर्शनीमा रहेको स्याण्डवीजको घर, फर्निचर, औद्योगिक सोलारलगायतको विशेषगरि कारोबार भएको थियो ।

यसपटक प्रदर्शनीलाई विशुद्ध औद्योगिक प्रदर्शनीको रुपमा अगाडि बढाईएकोले दर्शकहरुले सातै दिन निकै चासोका साथ प्रदर्शनीको अवलोकन गरेका थिए । यसपटक धुलो धुवाँरहितका स्टल निर्माण गरिएका थिए । प्रदर्शनीमा विभिन्न प्रकारका गरि करिव २०० स्टलहरु रहेका थिए ।

प्रदर्शनीमा विशेषगरि उत्पादनमुलक उद्योग परिसर, निर्माणजन्य उद्योग परिसर, कृषिजन्य उद्योग परिसर, सेवा/प्रविधिजन्य उद्योग परिसर, विविध व्यापारीक परिसर रहेका थिए । यी सबै परिसरमा दर्शकहरुले उत्साहजनक रुपमा अवलोकन गरेको प्रचार–प्रसार समितिका संयोजक मदन घिमिरेले जानकारी दिए ।

प्रदर्शनी अवधिभरमा विविध साँस्कृतिक कार्यक्रमहरु समेत भएका थिए । यस्तै राष्ट्रिय औद्योगिक प्रदर्शनी डान्सिङ स्टार–२०७२ दिप्ती गुरुङ बन्न सफल भएकी छिन् । यस्तै दोस्रो मनिषा परियार र तेस्रो सुनिता बुर्लाकोटी भईन् ।

डान्सिङ स्टारको उपाधि जित्नेले नगद २५ हजार रुपैयाँ, द्धितिय हुनेले नगद १५ हजार रुपैयाँ र तृतीय हुनेले नगद १० हजार रुपैयाँ पुरस्कार पाएको पुरस्कारको व्यवस्था गरिएको कला तथा साँस्कृतिक समितिका संयोजक लक्ष्मण अर्यालले जानकारी दिए ।

समापन समारोहमा नेकपा एमालेका सचिव तेजेन्द्र खड्का, एकीकृत नेकपा माओवादीका जिल्ला सदस्य बाबुराम खरेल, राप्रपा नेपालका जिल्ला अध्यक्ष बद्री तिमिल्सिना, जिल्ला विकास समितिका स्थानीय विकास अधिकारी श्रवणकुमार पोखरेल, उद्योग वाणिज्य संघ चितवनका वरिष्ठ उपाध्यक्ष राजु श्रेष्ठलगायतले मन्तव्य व्यक्त गरेका थिए ।

चितवन उद्योग संघका महासचिव सूर्य न्यौपानेले स्वागत मन्तव्य व्यक्त र उपाध्यक्ष त्रिलोचन कँडेलले धन्यवाद मन्तव्य व्यक्त गरेको कार्यक्रम संघका अध्यक्ष भीमबहादुर पाण्डेको अध्यक्षतामा सम्पन्न भएको थियो ।

०२ फागुन २०७२ 

वि.सं.२०७२ फागुन २ आइतवार १७:४३ मा प्रकाशित

You can share this post!

चार सय करोड लगानीमा सबैभन्दा ठूलो टाईल्स उत्पादन कम्पनी स्थापना गर्ने, रमेश कर्प र कजारिया सेरामिक्सबीच भयो सम्झौता

चार सय करोड लगानीमा सबैभन्दा ठूलो टाईल्स उत्पादन कम्पनी स्थापना गर्ने, रमेश कर्प र कजारिया सेरामिक्सबीच भयो सम्झौता

वि.सं.२०७९ कात्तिक २० आइतवार १८:५९

काठमाडौं । भारतको नम्बर १. र विश्वको सातौँ ठूलो टाईल्स...

गुणस्तर परिषदले दियो ह्वासिन सिमेन्टलाई ओपीसी ४३ ग्रेडको मान्यता

गुणस्तर परिषदले दियो ह्वासिन सिमेन्टलाई ओपीसी ४३ ग्रेडको मान्यता

वि.सं.२०७९ कात्तिक ६ आइतवार २०:४१

काठमाडौं । नेपाल गुणस्तर तथा नाप तौल विभागले ह्वासिन सिमेन्टलाई...

उदयपुर सिमेन्ट उद्योग सञ्चालन गर्न माग गर्दै युनियन आन्दोलित

उदयपुर सिमेन्ट उद्योग सञ्चालन गर्न माग गर्दै युनियन आन्दोलित

वि.सं.२०७९ असोज ३१ सोमवार ०८:०७

उदयपुर । उदयपुर सिमेन्ट उद्योग तत्काल सञ्चालन गर्न माग गर्दै...

मादलमै परनिर्भर वादी समुुदाय

मादलमै परनिर्भर वादी समुुदाय

वि.सं.२०७९ असोज १७ सोमवार १२:०७

हेमन्त केसी, सुर्खेत । दैलेखको दुल्लु नगरपालिका–७ पटाङ्गिनिका वादी समुुदाय...

सरकारी स्वामित्वको हेटौंडा सिमेन्ट उद्योगको उत्पादन बन्द

सरकारी स्वामित्वको हेटौंडा सिमेन्ट उद्योगको उत्पादन बन्द

वि.सं.२०७९ असोज ९ आइतवार २१:२५

काठमाडौं । सरकारी स्वामित्वको हेटौंडा सिमेन्ट उद्योगको सिमेन्ट उत्पादन हाल...

कोका–कोलाको दसैंँ विशेष “सम्बन्ध उत्सव स्वादसँग” क्याम्पेन शुरुवात

कोका–कोलाको दसैंँ विशेष “सम्बन्ध उत्सव स्वादसँग” क्याम्पेन शुरुवात

वि.सं.२०७९ भदौ ३० बिहीवार १९:१६

काठमाडौँ । नेपालको सबैभन्दा लोकप्रिय पेय–पदार्थ कोका–कोलाले यो वर्षको दसैंँको...