काठमाण्डौं । एनबी इन्सुरेन्सको सेयर कारोवार आज सोमवारबाट खुलेको छ भने पहिलो आधा घण्टामा नै तीन लाख कित्ता सेयर बिक्री भइसकेको सेयर बजार स्रोतले जनाएकोछ ।
कम्पनीमा वित्तीय गडबढी पाइएपछि बीमा समितिले एनबी इन्सुरेन्सको कारोवार रोकेको थियो। कारोबार रोकिएसँगै यसको सेयर कारोवार समेत रोकिएको थियो। कम्पनीको स्वामित्व नयाँ व्यवस्थापनले लिएपछि एनबीको बीमा कारोवार खुलेको थियो। नयाँ व्यवस्थापनले हकप्रदबाट कम्पनीको चुक्ता पुँजी वृद्धि गरिसकेको छ भने सेयर कारोवारका लागि डिम्याट प्रक्रिया अघि बढाएको थियो।
नेपाल स्टक एक्सचेञ्जले बीमा समितिको पत्र तथा सिडिएससिको तर्फबाट डिम्याटको सन्तोषजनक रिपोर्ट आएपछि कारोवार खुल्ने निर्णयमा पुगेको हो।
३१ जेठ २०७३, ११।००
वि.सं.२०७३ जेठ ३१ सोमवार १२:४३ मा प्रकाशित
