काठमाण्डौं । सिनर्जी फाईनान्सको कर्जा अपचलन काण्डमा परेका तत्कालीन संचालक देबेन्द्रप्रसाद ध्यवजुको नाममा रहेको एक लाख ८५ हजार कित्ता संस्थापक सेयर लिलाममा आएको छ । त्यस्तै, ग्लोबल आईएमई बैंकमा एनबी गु्रपका जेन श्रेष्ठसहित तीन जना संस्थापकले धितोमा राखेको एनसीसी बैंकको ४ लाख ४२३ कित्ता संस्थापक सेयर पनि लिलाममा आएको छ ।
एनसीसी बैंकको सेयर संस्थापक सेयरधनीले मात्र किन्न पाउने गरी एनसीसी बैंकले लिलाममा निकालेको हो । उता, ध्वजुले लिएको कर्जाको सावाँ ब्याज ३५ दिने मौका दिदा पनि तिर्न नसकेपछि सेवा बिकास बैंकले धितोमा रहेको सो १ लाख ८५ हजार कित्ता सेयर लिलाममा राखेको हो ।
न्युनतम मूल्य नतोकिएको सो सेयर खरिद गर्न सात दिन भित्र सिलबन्दी बोलपत्रका साथ १० प्रतिशत नगद जम्माा गरेको भौचर पनि सेवाको कार्यालय बुटवलमा पेश गर्नुपर्ने छ ।
यसैगरी, सिर्जना फाईनान्सले पनि हकप्रद जारी गर्दा नबिकेको ३० हजार ६७० साधारण सेयर र ३० हजार ५५२ संस्थापक सेयर लिलाममा निकालेको छ ।
७ असार २०७३, १०।००
वि.सं.२०७३ असार ७ मंगलवार १२:५७ मा प्रकाशित