back
mega bank Ad
Hero Ad

सडक निर्माण पूरा, लाभान्वित भए तीन जिल्लाका बासिन्दा !

प्यूठान (बांगेमरोठ) । वर्षौदेखि अँधुरै रहेको गर्तङफेदी–डाडाँगाउँ–फुर्धारा सडकको निर्माण कार्य यसवर्ष पुरा भएको छ । छिमेकी जिल्ला अर्घाखाँची र गुल्मीलाई केन्द्रित गरी निर्माण गरिएको अन्तरजिल्ला जोड्ने उक्त सडकको हालै उद्घाटन गरिएको छ ।

मोटरवाटो उद्घाटन गर्दै नेकपा एमालेका केन्द्रिय सदस्य एवं पर्यटन प्रवद्र्धन विभाग प्रमुख सूर्य थापाले गाउँमा विस्तार भएको सडकलाई स्थानीयले आय आर्जनको क्षेत्रमा जोड्न सुझाव दिए । ‘जनताको आर्थिक परिवर्तनमा सडक सञ्जालको विशेष योगदान हुन्छ’,उनले भने,‘कृषि र ग्रामीण पर्यटनको यहाँ संभावना छ । यसतर्फ सवैले चासो दिएर लाग्नुपर्छ ।’ बाल्यकालमा अप्ठ्यारो भिरहुँदै अर्घाखाँचीको रतनमारे पढ्न गएको सम्झना गर्दै थापाले विकास निर्माणमा सवै राजनीतिक दलहरुले साझा धारणा बनाएर अघि बढ्नुपर्ने उल्लेख गरे।

pyuthan

कार्यक्रममा शुभकामना मन्तव्य राख्दै नेपाल पत्रकार महासंघ प्यूठानका अध्यक्ष गिरुप्रसाद भण्डारीले स्थानीय स्रोत साधनलाई सदुपयोग गरी गाउँलेहरु उद्यमी बन्नतर्फ आग्रह गरे । सडक विस्तारले कृषिजन्य सामग्रीहरुको बजारीकरणमा सहज हुनेभएकाले यसतर्फ अग्रसर हुन उनले सुझाव समेत दिए ।

८ लाख ८९ हजार सात सय १ रुपैयाँ कुल लगानीमा निर्माण कार्य सम्पन्न भएको उपभोक्ता समितिका कोषाध्यक्ष राम बहादुर जि।सी।ले जानकारी दिए । जिल्ला विकास समितिबाट ७ लाख १० हजार ४ सय, गाँउलेको जनश्रमदान १ लाख ८ हजार ३ सय र उपभोक्ता समितिले ७१ हजार रुपैयाँ लागनी गरेको मोटरवाटो निर्माणमा लगानी गरेको उनले बताए । उपभोक्ता समितिको सक्रियतामा करिव पौने तीन किलोमिटर दुरीको सडक निर्धारित समयमै पुरा गरिएको उपभोक्ता समितिका अध्यक्ष लिल बहादुर घर्ति क्षेत्रीले जानकारी दिए ।

उपभोक्ता समितिका अध्यक्ष लिल बहादुर घर्ति क्षेत्रिको अध्यक्षता, नेकपा एमालेका केन्द्रिय सदस्य एवं पर्यटन प्रवद्र्धन विभाग प्रमुख सूर्य थापाको प्रमुख आतिथ्यता, एमाले प्यूठानका उपाध्यक्ष हुकुम बहादुर खड्का र नेपाली कांग्रेस प्यूठानका सदस्य धरम बहादुर जि।सी।को विशेष आतिथ्यता रहेको कार्यक्रमको संचालन उपभोक्ता समितिका सचिव हरी रायमाझीले गरेका थिए ।

‘वर्षौदेखिको गाउँमा गाडी गुडाउने चाहना थियो’,बांगेमरोट–७ प्यूठानका स्थानीय बयोवृद्ध तिल बहादुर परियारले भने, ‘गाउँलेको चाहना यसवर्ष पुरा भो ।’ मोटरवाटो निर्माणले बांगमेराटको विडडाँडा, सौतामारे, पोखरीडाँडा सहित छिमेकी जिल्ला अर्घाखाँचीको हंसपुर, डाँडागाँउ र गुल्मीको पुर्कोटदहका सर्वसाधरण प्रत्यक्ष लाभांवित भएको उनले बताए ।

१४ असार २०७३, २.३०

वि.सं.२०७३ असार १४ मंगलवार १४:५६ मा प्रकाशित

You can share this post!

यस वर्ष नेपालको रेमिट्यान्स साढे आठ अर्ब अमेरिकी डलर पुग्न सक्छ : विश्व बैंक

यस वर्ष नेपालको रेमिट्यान्स साढे आठ अर्ब अमेरिकी डलर पुग्न सक्छ : विश्व बैंक

वि.सं.२०७९ मंसिर १७ शनिवार १६:१५

काठमाडौं । नेपालले यस वर्ष (सन् २०२२) साढे आठ अर्ब...

यस्तो छ आजको विदेशी मुद्राको विनिमय दर

यस्तो छ आजको विदेशी मुद्राको विनिमय दर

वि.सं.२०७९ मंसिर १७ शनिवार ११:११

काठमाडौं । नेपाल राष्ट्र बैंकले शनिबार  को विदेशी मुद्राको विनिमय...

आज थप दुई कम्पनीको लाभांश घोषणा, कुनको बोनस र नगद कति ?

आज थप दुई कम्पनीको लाभांश घोषणा, कुनको बोनस र नगद कति ?

वि.सं.२०७९ मंसिर १६ शुक्रवार १९:१७

काठमाडौं । आज थप दुई कम्पनीहरुले लाभांश घोषणा गरेका छन्...

आइएमईको २२ औँ साधारण सभा सम्पन्न : कम्पनीलाई आइपीओमा लैजाने प्रस्ताव पारित

आइएमईको २२ औँ साधारण सभा सम्पन्न : कम्पनीलाई आइपीओमा लैजाने प्रस्ताव पारित

वि.सं.२०७९ मंसिर १६ शुक्रवार १९:०७

काठमाडौं । कम्पनीलाई आइपीओमा लैजाने प्रस्ताव पारित गर्दै आइएमईको २२औँ...

शैक्षिक अवस्था बुझ्न नगरपालिकाको टाेली कक्षा कोठामा

शैक्षिक अवस्था बुझ्न नगरपालिकाको टाेली कक्षा कोठामा

वि.सं.२०७९ मंसिर १६ शुक्रवार १७:२१

हेमन्त केसी सुर्खेत  । मंगलबार जाजरकोट नलगाड नगरपालिकाका नगरप्रमुख डम्मर...

पैसा नभएको चेक दिने पक्राउ, ३० लाख रुपैंया  जरिवाना र १० दिन कैद हुने

पैसा नभएको चेक दिने पक्राउ, ३० लाख रुपैंया जरिवाना र १० दिन कैद हुने

वि.सं.२०७९ मंसिर १६ शुक्रवार १७:१४

काठमाडौं । बैंकिङ कसुर मुद्दाका फरार प्रतिवादी  पक्राउ परेका छन् ।...