काठमाण्डौं । साताको पहिलो दिन आइतबार सेयर बजारमा विकास बैंक समुहको सुचक ६६ दशमलव ८९ अंकले माथि चढेको छ ।
आज नेप्से ४ दशमलव शुन्य तीन अंकले घटेर १ हजार ७ सय १९ दशमलव २० अंकमा ओर्लिएको छ ।वाणिज्य बैंक समुहमा २३ दशमलव ८६ अंकको गिरावट आउँदा बीमा समुहमा २ सय २३ दशमलव ९५ र जलविद्युतमा ७ दशमलव ५८ अंकको गिरावट आएका कारण नेप्से घट्न पुगेता पनि लगानीकर्ताहरु विकास बैंकतर्फ उर्लिदा समग्र सेयर बजारमा धेरै कम्पनीहरुले कमाउन सफल भएका छन् ।
आइतबार बजारमा १ सय ३७ कम्पनीका २० लाख ८३ हजार ३ सय कित्ता सेयरहरु १ अर्ब ८५ करोड २४ लाख ५२ हजार ६ सय ३९ रुपैंयामा किनबेच भएका छन् । यस क्रममा राष्ट्रिय बीमा कम्पनीको संस्थापक सेयरको अधिक कारोबार भएको छ । इन्स्योरेन्स कम्पनीपछि डिप्रोक्स डेभलपमेण्ट बैंक, एभरेष्ट बैंक, छिमेक लघुवित्त विकास बैंक, साना किसान विकास बैंकर नेपाल बंगलादेश बैंकको अधिक मात्रामा सेयर कारोबार भएको छ ।
१९ असार २०७३, ३।३०
वि.सं.२०७३ असार १९ आइतवार १५:३८ मा प्रकाशित
