back
Mega Long Ad

एनआरएन मलेसियाका अध्यक्षको नाम किन जोडियो ‘आइएस’ संग ?

हरिशरण न्यौपाने, काठमाडौ । कालिकोट घर भएका एनआरएन मलेसियाका निवर्तमान अध्यक्ष महेन्द्रजंग शाहलाई विभिन्न अपराधमा संलग्न भनी एकाएक अघिल्लो महिना १९ गते पक्राउ गरी नेपाल डिपोर्ट गरिएको छ । उनी नेपाल आइपुगे लगत्तै नेपाल प्रहरीले समेत १० दिन नियन्त्रणमा लिइ अनुसनधान गरेर धरौटीमा रिहा गरेको छ ।

१४ वर्षदेखि मलेसियामा बस्दै आएका एनआएनका अध्यक्ष शाह लडाकु संगठन इस्लामिक स्टेट (आईएस) मा संलग्न भएको आरोपमा पत्रपत्रिकाले टिप्पणी गरेका छन् । उनलाई मलेसियन सरकारले आईएसमा संलग्न भएको भन्दै पक्राउ गरेको थियो । १४ दिन मलेसियन सरकारको हिरासतमा बसेका शाहलाई नेपाल पठायो अर्थात् डिपोर्ट गर्यो । त्यहाँको नियमअनुसार १४ दिनभन्दा बढि राख्न नमिल्ने र यदि त्यसभन्दा बढि समय राख्नुपरेमा अदालत पेश गर्नुपर्ने भएको हुँदा नेपाल डिपोट गरिएको बताईन्छ ।

यहाँ पनि उनलाई १० दिन हनुमानढोका प्रहरीले अनुसन्धानका लागि हिरासतमा राख्यो । प्रहरीले उनको अनुसन्धान गर्यो । त्यसपछि सामान्य सार्वजनिक मुद्धामा ४ हजार धरौटी दिएपछि उनलाई जिल्ला प्रशासन कार्यालयले रिहाइ गरेको छ । जव उनी नेपाल आइपुगे तव मलेसिया स्थित सञ्चार माध्यम र त्यसैको कपी गर्दै नेपाली सञ्चार माध्यमले समेत आइएस आइएसमा संलग्नको आशंकामा पक्राउ पछि डिपोर्ट गरेको भनियो । यही प्रसंगबाटै चर्चाकोमा रहेका शाह आईएसमा संलग्न हुन कि होईनन् ? शाहको जवाफ यस्तो छ ।

आईएस जस्तो संबेदनशिल विषयमा कसरी जोडियो ?

म एक सामान्य नेपाली, सामान्य भिसामा मलेसिया गएर आफ्नो दुःख गरेर एनआरएनको अध्यक्ष हुन सफल भएको हुँ । अहिले व्यवसाय गरिरहेको छु । तर म आईएस कसरी भएँ ? आईएस जस्तो संबेदनशील विषयमा राखेर मलाई कसरी जोडियो ? यो कुरा कहाँबाट आयो ? वास्तविक म आईएस हो की होईन ? मलाई न्याय त चाहियो नि ?

आईएस् हो कि होईन ?

यहि न्याय माग्दै संचारकर्मीको साथ माग्दै रिपोटर्स क्लब नेपालमा आएर पत्रकार सम्मेलन गरेको हुँ । म भन्छु, यहाँको प्रशासन र सरकारी निकायले म माथि अनुसन्धान गरोस् । म आईएस् हो कि होईन ?

कि मलाई कारबाही होस्, कि त आईएस्को मुद्धा उठाउने राजदूतलाई …

हैन भने आईएस्को मुद्धा उठाउने मानिसलाई कारबाही हुनुपर्छ । कि त मलाई कारबाही हुनुपर्यो । यसैका लागि मैले पत्रकार सम्मेलन गरेको हुँ । जुन आएका समाचारहरु छन् ती सबै झुटा समाचारहरु हुन् । जति हाईलेभलको पत्रिकाले लेखेको भएपनि समाचार कुनै पनि मिलेको छैन । यस्तो नयाँ–नयाँ समाचारले मैले पनि नयाँ कुरा सिक्दै गएको छु ।

राजदूतले पावरको दुरुपयोग गरे

मलेसियाका लागि राजदूत निरञ्जनमानसिंह बस्नेतको डिजाईनमा मलाई आरोप लगाईएको हो । उहाँ र उहाँका साथीहरु मिलेका छन् । म आरएनको अध्यक्ष बन्दा मेरो प्रतिद्वन्दी हरि भट्टराई हुनुहुन्थ्यो । उहाँले चुनाव हार्नुभयो । तर हार स्विकार गर्नुभएन । उहाँले हार स्विकार गर्न नसकेपछि मलाई फसाउन योजना बुनिएको हो । मलेसियाबाट मलाई डिपोर्ट गर्नुभयो । राजदूत त नेपाल सरकारको प्रमुख हो । उहाँले पावरको प्रयोग अर्थात दुरुपयोग गर्नुभयो । तर नेपालमा पावर लगाउन सक्नुभएन । किनकि नेपालमा त उहाँभन्दा माथिको निकाय छ । उहाँभन्दा माथि प्रशासन र सरकार छ । १० दिनमा सार्वजनिक मुद्धा लगाइयो र छाडियो । मलाई मलेसियामा पनि झुट्टा आरोप लगाएर १४ दिनमा छोडिएको हो । त्यहाँपनि केहि प्रमाण नभएर मलाई १४ दिनमा छाडिएको हो । त्यहाँको नियमअनुसार १४ दिनभन्दा बढि राख्न नमिल्ने र यदि राख्नुपरेमा अदालतमा पेश गर्नुपर्ने भएको हुँदा नेपाल डिपोट गरिएको हो ।

राजदूतले देशलाई नकारात्मक पार्ने दृष्टिकोण उठाउने अधिकार छैन

यदि म आईएस सँग आबद्ध छु भने नेपाल सरकारले दिएको जुनसुकै सजायँ भोग्न तयार छु । हैन भने राजदूतलाई तुरुन्त यहाँ बोलाएर देशलाई नकारात्मकरुपमा अरु देशले हेर्ने दृष्टिकोण उठाउन मिल्ने अधिकार राजदूतलाइ छ कि छैन ? म न्यायको लागि लड्छु । म राजदूताबासको बिरुद्ध होईन राजदूत अर्थात् व्यक्तिका गलत कामको बिरुद्ध लड्छु । राजदूताबास त मेरो पनि हो । उहाँले जुन गलत कदम चाल्नुभयो । म न्यायको लागि लड्छु ।

राजदूतबाटै आईएस सम्म पुर्याउने काम किन गरियो ?

मलाई सफाई चाहियो । राजदूतले आईएससम्म पुर्याउने काम किन गरियो ? म एउटा सामान्य व्यापारी र एनआरएनको अध्यक्षलाई किन आईएस सँग जोडाइयो भन्ने कुरा महत्वपूर्ण कुरा हो । कारण देखाउनु पर्यो । हामीले प्रमाणित डकुमेन्ट (कागजात) दिएका छौं । हामी उहाँ जस्तो बोल्दैनौं । हामीले जुन कुरा गरेका छौं । उहाँले गरेको गल्तीलाई यो गल्ती हो भनेर अगाडि बढिरहेका छौं । हामीले प्रमाण पनि संकलन गरेका छौं ।

राजदूतावास र एनआरएन अध्यक्ष पछि नेपाललाई ठग्ने योजना …

हरि भट्टराई भन्ने व्यक्ति उहाँ म्यानपावर व्यवसायी हो । मलेसियामा पनि म्यानपावर छ र यहाँ पनि छ । मलाई फसाउने यो उहाँहरुको ठूलो रणनीति हो । राजदूतावास र एनआरएन अध्यक्ष भईसकेपछि उहाँहरुले नेपाललाई ठग्ने योजना बनाउनुभएको छ । जुन कोप्रासी भनेर ३६ करोडको मुद्धा छ । सुरुमै कोप्रासी थियो । यसलाई एनआरएनको अध्यक्षबाट सहयोग भयो भने मजबुत हुने हिसाबले सहयोग माग भएको थियो । तर त्यो मैले हुन दिईन । धेरै नेपाली ठग्नबाट मैले बचाएको हो ।

कोप्रासी के हो ?

कोप्रासी एउटा प्राईभेट कम्पनी हो । मलेसियामा अबैधानिक अनडकुमेन्ट जो छन् उहाँबाट नेपाल पठाउने संस्थालाई राजदूतले केहि कमिशन खाएर उहाँलाई टेन्डर पास गरिदिनुभयो । त्यो पनि राजदूतावासको हलमा भाडा नलिएर कम्पनीलाई उपलब्ध गराउनुभयो । यसमा सबैले बुझ्न सक्छन्, केहि न केहि शंका छ । हामी नेपाली हो । हामी नेपालीले राजदूतावासमा गएर सबै डकुमेन्ट दिएपछि पासपोर्ट बनाउने हाम्रो अधिकार हो । तर उहाँ यसरी लाग्नुभयो कि मलेसियाको कोप्रासी प्राईभेट कम्पनीलाई १२५० तिर्ने, त्यो रिसिभ ल्याउने र बल्ल हामी नेपालीले कागजात पाउने यो कुन देशको नियम हो ? यसको बिरोध गरेको हो । यसले धेरै निउँ खोज्न लाग्यो भनेर राजदूतावासको पावर देखाउँछु भनेर मलाई भनेरै उहाँले यसो गर्नुभएको हो ।

आईएस भए मलाई कारबाही हुनैपर्छ

यो विषयलाई राजदूतले आज आईएससम्म पुर्याउनुभयो । किन भने म आईएस भए मलाई कारबाही हुनैपर्छ । मैले सजायँ भोग्नुपर्यो । मेरो गल्ती छैन भने राजदूतलाई कारबाही हुनुपर्छ भन्ने मेरो माग हो ।

आईएसमा भए फाँसी दिएपनि स्विकार छ

अब त सरकारले आफ्नो तरिकाले हेरिरहेको होला । राजदूतको विषयमा पनि केहि होला । राजदूतलाई पनि केहि अनुसन्धान भईरहेको होला । मलाई त्यतिकै छोड्नुभएको छैन । कि त म आईएस भएर कारबाही हुनुपर्यो, मलाई जुनकुनै सजायँ अर्थात् फाँसी दिएपनि म स्विकार गर्न तयार छु ।

आइएसबारे मलेसियाका राजदूतको अबैधानिक चिठीले नेपालमा खैलाबैला !

हैन भने सामान्य स्वार्थले राजदूत बस्नेतको अबैधानिक चिठीले आज नेपालमै खैलाबैला भयो । देशको इस्यु भयो । यसका लागि राजदूतलाई नेपाल सरकारबाट कारबाही हुनुपर्छ भन्ने मेरो माग हो । उहाँलाई तुरुन्त बोलाएर यो विषय के हो भनेर खोज्नुपर्यो ।

राजदूत निरञ्जनमानसिंह बस्नेत पैसै खानका लागि गएको रहेछन्

निरञ्जनमानसिंह बस्नेत पैसै खानका लागि गएका रहेछन्, त्यहि नै बुझियो । यो भन्दा अगाडिको राजदूतहरु यस्ता थिएनन् । उहाँको नाममा ३÷४ वटा मुद्धा अदालतमा दर्ता भएको छ । एनआरएनले ३६ करोड खायो भनेर अदालतमा केश हालेको छ । हेर्न सकिन्छ ।

कि मलाई कि राजदूत निरञ्जनमानसिंह बस्नेतलाई कारबाही हुनैपर्छ

म सामान्य व्यवसायी हुँ । मेरो गल्ती छ भने हदैसम्मको कारबाही हुनुपर्छ । मलाई न्याय दिनैपर्छ । मेरो गल्ती नभए राजदूत निरञ्जनमानसिंहलाई कारबाही हुनुपर्छ ।

(कुराकानीमा आधारित)

११ असोज २०७३ / १ : ०८

वि.सं.२०७३ असोज ११ मंगलवार १२:५५ मा प्रकाशित

You can share this post!

सरकार हेभी इक्युपमेन्ट किन्ने, भारतीयले सस्तो दरमा काम गर्दा हामी टिक्न नसक्ने भयौंः सचिव श्रेष्ठ

सरकार हेभी इक्युपमेन्ट किन्ने, भारतीयले सस्तो दरमा काम गर्दा हामी टिक्न नसक्ने भयौंः सचिव श्रेष्ठ

वि.सं.२०७८ वैशाख १० शुक्रवार १०:५६

काठमाडौं । कोरोनाका कारण विश्व अर्थतन्त्र नै धरासायी बन्न पुग्यो...

कार्यान्वयनयोग्य बजेट बनाएर आर्थिक पुनरुत्थानलाई जोड दिन्छौं : अर्थमन्त्री पौडेलको अन्तर्वार्ता

कार्यान्वयनयोग्य बजेट बनाएर आर्थिक पुनरुत्थानलाई जोड दिन्छौं : अर्थमन्त्री पौडेलको अन्तर्वार्ता

वि.सं.२०७८ वैशाख ५ आइतवार १६:५०

विष्णुप्रसाद पौडेल, अर्थमन्त्री कोरोना भाइरस महामारीको नेपाली अर्थतन्त्रमा प्रभाव कस्तो...

राज्यले धर्म काँटा राखेर धर्म छोड्यो, भारतीय गाडीको सिन्डिकेट बढ्यो : यादवलाल श्रेष्ठ [अन्तर्वार्ता]

राज्यले धर्म काँटा राखेर धर्म छोड्यो, भारतीय गाडीको सिन्डिकेट बढ्यो : यादवलाल श्रेष्ठ [अन्तर्वार्ता]

वि.सं.२०७७ चैत २७ शुक्रवार ११:२४

यादवलाल श्रेष्ठ, संस्थापक अध्यक्ष, नेपाल ट्रिपर तथा ट्रक व्यवसायी समिति...

अनुदान र पर्याप्त ऋण परिचालनले मात्रै पूर्वाधार निर्माण सम्भव छ : उपाध्यक्ष प्रा. डा. कडेल [अन्तर्वार्ता]

अनुदान र पर्याप्त ऋण परिचालनले मात्रै पूर्वाधार निर्माण सम्भव छ : उपाध्यक्ष प्रा. डा. कडेल [अन्तर्वार्ता]

वि.सं.२०७७ चैत १६ सोमवार १८:२१

राष्ट्रिय योजना आयोगका उपाध्यक्ष प्राध्यापक डा. पुष्पराज कडेल देशको पछिल्लो...

अर्थतन्त्र सामान्य अवस्थामा फर्काउन करिब ७ खर्ब रुपैयाँको स्रोत आवश्यक पर्छ : उपाध्यक्ष कँडेल [अन्तर्वार्ता]

अर्थतन्त्र सामान्य अवस्थामा फर्काउन करिब ७ खर्ब रुपैयाँको स्रोत आवश्यक पर्छ : उपाध्यक्ष कँडेल [अन्तर्वार्ता]

वि.सं.२०७७ माघ १९ सोमवार १३:०१

काठमाडौं । राष्ट्रिय योजना आयोगका उपाध्यक्षडा. पुष्पराज कँडेलले सरकारले खरिद...

मेरो उम्मेदवारी निजी क्षेत्रले राज्यबाट अभिभावकत्व पाउनका लागि हो : चन्द्र ढकाल – अन्तरवार्ता

मेरो उम्मेदवारी निजी क्षेत्रले राज्यबाट अभिभावकत्व पाउनका लागि हो : चन्द्र ढकाल – अन्तरवार्ता

वि.सं.२०७७ मंसिर १० बुधवार १६:१३

मुलुकका निजी व्यावसायीहरुको छाता सङ्गठन नेपाल उद्योग वाणिज्य महासंघको आसन्न...