काठमाण्डौं । दुई हाइड्रोपावर कम्पनीले करिब साढे ६१ लाख कित्ता साधारण सेयर निस्कासन गर्ने भएका छन् । यसका लागि उनीहरुले धितोपत्र बोर्डमा स्वीकृतिका लागि आवेदन दिइसकेका छन् । अब धितोपत्र बोर्डबाट आवेदन मिल्ने बित्तकै यी दुई कम्पनीको एफपिओ जारी हुनेछ ।
यसरी एफपिओ जारी गर्ने पाइपलाइनमा बसेका दुई हाइड्रो कम्पनीमा बुटवल पावर कम्पनी र अरुण भ्याली हाइड्रोपावर रहेका छन् । बुटबल पावर कम्पनी लिमिटेडले ३० लाख कित्ता फरदर पब्लिक अफरिङ (एफपिओं) जारी गर्दैछ । कम्पनीको गत असार २७ गते सम्पन्न साधारणसभाले ३० लाख कित्ता एफपिओ निष्काशन गर्ने प्रस्ताव पारित गरिसकेको छ ।
त्यस्तै, अरुण भ्याली हाइड्रोपावर डेभलपमेन्ट कम्पनीले पनि ३१ लाख ५७ हजार ८८३ कित्ता एफपिओ जारी गर्ने प्रस्ताव गत भाद्र १७ गतेको साधारणसभाबाट पारत गरिसकेको छ ।
१४ असोज २०७३, ११।००
वि.सं.२०७३ असोज १४ शुक्रवार १३:०६ मा प्रकाशित
