काठमाण्डौं । नेको इन्स्योरेन्स लिमिटेडले ३० जना कर्मचारी माग गरेको छ । कम्पनीले जुनियर अफिसरदेखि एसिस्टेन्ट मेनेजरसम्मका लागि १५ जना र एसिस्टेन्टदेखि सुपरभाइजरसम्मका लागि १५ जनाको दरखास्त आह्वान गरेको हो । उक्त पदमा छनौट हुने कर्मचारीले उपत्यकाभित्रका शाखाहरुमा मार्केटिङ तथा अन्य डिपार्टमेन्टहरुमा रहेर काम गर्नुपर्ने बताइएको छ ।
जुनियर अफिसरदेखि एसिस्टेन्ट मेनेजरसम्मका लागि कम्पनीले कम्तीमा स्नातक उतीर्ण गरेको र ३५ वर्ष उमेर ननाघेको कर्मचारी माग गरेको छ । स्नातकोत्तर गरेको र बैंकिङ तथा बीमा क्षेत्रमा अनुभव भएकालाई प्राथमिकता दिइने समेत कम्पनीले खुलाएको छ ।
त्यस्तै, एसिस्टेन्टदेखि सुपरभाइजरसम्मका लागि कम्पनीले कम्तीमा स्नातक उतीर्ण गरेको र ३० वर्ष उमेर ननाघेको कर्मचारी माग गरेको छ । स्नातकोत्तर गरेको र बैंकिङ तथा बीमा क्षेत्रमा अनुभव भएकालाई प्राथमिकता दिइने समेत कम्पनीले खुलाएको छ ।
बीमा क्षेत्रमा रहेर काम गर्न इच्छुक तथा कम्पनीले चाहेबमोजिम योग्यता पुग्ने उम्मेदवारले निवेदन र वायोडाटा १६ अक्टोबर अर्थात असोज ३० गतेभित्रमा [email protected] मा पठाउनुपर्नेछ ।
प्रकाशितः २०७३ असोज १५
वि.सं.२०७३ असोज १५ शनिवार १२:३१ मा प्रकाशित
