काठमाण्डौं । गत वर्षको खुद नाफाबाट दुई विकास बैंकले क्रमशः २३ र २५ प्रतिशत बोनस सेयर दिने प्रस्ताव गरेका छन् । यसरी बोनस दिने दुई बैंकमा काष्ठमण्डप डेभलपमेन्ट बैंकले २३ प्रतिशत र कन्चन डेभलपमेन्ट बैंकले २५ प्रतिशत बोनसको प्रस्ताव अघि सारेका हुन् ।
राष्ट्रियस्तरको बिकास बैंक काष्ठमण्डपले २५ प्रतिशत हकप्रद पनि चाँडै नै जारी गर्दैछ । यसका लागि धितोपत्र बोर्डबाट उसले स्वीकृति समेत पाईसकेको छ । बैंकको चुक्ता पूँजी हाल ६८ करोड रहेकोमा उसले गत आर्थिक बर्षमा ३० करोड खुद नाफा गरी प्रति सेयर आम्दानी ४४ रुपैयाँ कायम गरेको थियो ।
त्यस्तै, १९ करोड ८० लाख रुपैयाँ चुक्ता पूँजी रहेको कन्चनपुरको कन्चन डेभ्लपमेन्ट बैंकले गत बर्ष ६ करोड २० लाख रुपैयाँ खुद नाफा कमाएर प्रति सेयर आम्दानी ३१ रुपैयाँ कायम गरेको थियो ।
१ कार्तिक २०७३, ११।००
वि.सं.२०७३ कात्तिक १ सोमवार १२:०९ मा प्रकाशित