चितवन । चितवनस्थित नारायणगढ–मुग्लिन सडक खण्ड अन्तर्गत दाहाखानी गाविस–६ नौ किलो भन्ने स्थानबाट आज राति राति एउटा यात्रुवाहक बस त्रिशुली नदीमा खसेको छ ।
राति करिव साढे ८ बजेको समयमा काठमाडौंबाट नारायणगढतर्फ आउँदै गरेको बस त्रिशूली नदीमा खसेको जिल्ला प्रहरी कार्यालय चितवनले जनाएको छ ।
काठमाण्डौंबाट भैरहवातर्फ जान आउँदै गरेको लु १ ख ७३९१ नम्बरको बस त्रिशुली नदीमा खसेको चितवन प्रहरीले जनाएको छ ।
सडकबाट खसेको बसको केही भाग मात्रै पानीमा देखिएको छ । घटनापछि आठजनाको जीवितै उद्धार गरिएको जिल्ला ट्राफिक प्रहरी कार्यालय चितवनका प्रमुख प्रहरी निरीक्षक राजन भेटवालले जानकारी दिए।
इलाका प्रहरी कार्यालय मुग्लिनका प्रहरी हवल्दार कमल खड्काका अनुसार बस दाहखानी – ६ बाट त्रिशुलीमा खसेको जानकारी आएको छ । “हामी पनि घटनास्थलमा गइरहेका छौं, उनले भने, “अहिले बस र यात्रुको अवस्थाबारे एकिन भन्न सकिने अवस्था छैन ।
सशस्त्र प्रहरी बल, विपद् उद्धार तालिम केन्द्र कुरिनटारका प्रहरी उपरीक्षक गणेश थापाका अनुसार काठमाडौँबाट नारायणगढतर्फ आउँदै गरेको यात्रु बस साँझ ८स् ४५ बजे त्रिशूलीमा खसेको हो ।
बसको माथिल्लो भाग पानी बाहिर देखिएको छ । घटनास्थलमा नेपाल प्रहरी र सशस्त्र प्रहरीले उद्धार गरिरहेको उनले बताए ।
बसमा कति यात्रु सवार थिए भन्ने विवरण आउन बाँकी छ । जिल्ला प्रहरी कार्यालय चितवनबाट पनि डीएसपीको नेतृत्वमा टोली घटनास्थलतर्फ गइसकेको ।
अहिले घटनास्थलमा उद्धार कार्य जारी छ । घटनास्थलमा एक जनाको मृत्यु भएको प्रहरीले जानकारी दिएको छ
वि.सं.२०७३ कात्तिक २ मंगलवार २२:१३ मा प्रकाशित
