back
NMB ad

फूल खेतीबाटै मासिक ३ लाख आम्दानी !

Kumari bank ad

कास्की । एक दशकभन्दा बढी समय बिरौटा चोकमा पसल चलाएका वसन्त भण्डारी अहिले पोखराका एक कुशल पुष्प व्यवसायीको रुपमा स्थापित छन्। पसलबाट राम्रो आम्दानी हुँदाहुँदै पनि उनी पुष्प व्यवसायतिर आकर्षित भए ।

६ वर्षअघि भाइटिकाको लागि माला गाँस्न सयपत्री फूल खोज्दै जाँदा उनले भनेजस्तो फूल बजारमा पाएनन्। त्यसपछि वसन्तलाई घरमै राम्रा फूल फूलाउने अठोट जाग्यो। बिरौटा चोकनिर आफ्नो पसल पछाडिको २ रोपनी जग्गामा सयपत्री फूल रोपे।

आफ्नो घरको लागि भनेर उनले त्यतिखेर फूल रोपेका थिए। तर फूल खेती फस्टाएपछि पहिलो वर्ष नै उनले फूल बेचेर २० हजार नाफा कमाए। त्यसपछि फूलखेतीलाई जोडतोडका साथ अघि बढाउने निर्णयमा पुगेका भण्डारी अन्ततः सफल व्यवसायी भए।

धान फल्ने गैरी खेतमा ४ रोपनी जग्गा भाडामा लिएर उनले फूलको बहार ल्याइदिए। ‘वाराही नर्सरी’ नाम दिएर उनले अहिले फूलका बिरुवा, फूल बेचेरै राम्रो आम्दानी गरेका छन्। अहिले उनले मासिक ३ लाख अम्दानी गर्छन्।

बिरौटाको दुई रोपनी र मासबार ४ रोपनी गरेर ६ रोपनीमा फूल व्यवसाय गरेका वसन्त भण्डारी भन्छन् ‘राम्रो आम्दानी पनि छ, व्यवसायबाट सन्तुष्ट छु।’ उनले यसपटक तिहारलाई लक्षित गरी ३ लाख ७५ हजार खर्च गरेर सयपत्री फूल लगाएका छन्। ‘गत वर्ष भन्दा यस पटक राम्रो हुन्छ,’ उनले भने, ‘पोहोर बिउ राम्रो भएन त्यसमाथि झरीले बिगार्यो।’

उनले सयपत्री फूल थुंगाको हिसाबले बेच्ने गरेका छन्। थुंगा हेरेर त्यसको मूल्य तोकिन्छ,’ उनले भने, ‘हामी ३ देखि ५ रुपैयाँसम्म एउटा थुंगा बेच्छौँ।’ उनका अनुसार सामन्यतया एउटा माला गाँस्न ३० वटा थुंगा चाहिन्छ।  ‘तिहारमा सयपत्री फूलकै बढी प्रयोग हुने हुँदा सबै जग्गामा सयपत्री मात्र लगाएको छु’ उनले भने।

विदेशवाट बिउ मगाएर यस पटक दुई थरिका ‘कलकोतिया’ र अमेरिकन मेरी गोल्ड जातका फूलहरु उनले रोपेका छन्।  ‘एउटा बोटमा कलकोतियाले सामान्यतया २ सय वटा थुंगा र मेरी गोल्डले ७० वटा थुंगा हाल्छ’ उनले भने  ‘यस पटक सबै गरेर करिब ४ लाख ५० हजार थुंगा उत्पादन हुने आँकलन छ।’

वसन्त तिनै फूल व्यवसायी हुन् जसलाई यो क्षेत्रमा राम्रो गरेको भन्दै जिल्ला कृषि कार्यालय कास्कीले गत वर्ष पुरस्कृत समेत गर्यो । पुरस्कार स्वरुप ५० हजारको टनेल र १० हजारको बिउ समेत प्राप्त गरेको वसन्त सुनाउँछन्।

‘पुरस्कारले यही व्यवसायमा लाग्न थप मद्धत गर्यो,’  उनले भने, ‘गत वर्षको भन्दा बढी मिहेनत गरेको छु, यस पटक गत वर्षको भन्दा निकै राम्रो हुने अपेक्षा छ।’

फूल व्यवसाय गर्नेलाई प्रोत्साहन गर्न सरकारी तवरबाट अझ बढी पहल हुनुपर्ने उनको बुझाई छ। ‘सरकारी तवरबाट सहयोग हुने हो भने फूल खेती गर्नेको संख्या थपिन्छ,’ उनले भने, ‘मल बिउ अनुदान मात्रै दियो भने धेरै हुन्थ्यो।’

सरकारी तवरबाट सहयोग मिलेमा देशमा फूलको आयात गर्नु नपर्ने उनको धारणा छ। ‘तिहारका लागि समेत विदेशबाट फूल आयात हुनु दुर्भाग्य हो’ उनले भने।

१२ कार्तिक २०७३, सेतोपाटी, १।३०

वि.सं.२०७३ कात्तिक १२ शुक्रवार १४:२३ मा प्रकाशित

You can share this post!

एनसेलको सुलभ अन्तर्राष्ट्रिय डेटा रोमिङ प्याकका साथ रहनुहोस् सधैं अन, के-के छन् सुविधा ?

एनसेलको सुलभ अन्तर्राष्ट्रिय डेटा रोमिङ प्याकका साथ रहनुहोस् सधैं अन, के-के छन् सुविधा ?

वि.सं.२०८१ जेठ १७ बिहीवार ०६:३५

काठमाडौं । निजी क्षेत्रको टेलिकम्युनिकेसन सेवा प्रदायक कम्पनी एनसेलले सुलभ...

नेपालगञ्जमा यसवर्षकै बढी गर्मी   

नेपालगञ्जमा यसवर्षकै बढी गर्मी   

वि.सं.२०८१ जेठ १७ बिहीवार ०६:२१

नेपालगञ्ज, १६ जेठ : नेपालगञ्जमा बुधबार यस वर्षकै सबैभन्दा बढी...

आज १७ जेठ २०८१ बिहिवार, थाहा पाउनुहोस् आजको राशिफल

आज १७ जेठ २०८१ बिहिवार, थाहा पाउनुहोस् आजको राशिफल

वि.सं.२०८१ जेठ १७ बिहीवार ०६:१६

मेष मेष (चु, चे, चो, ला, लि, लु, ले, लो,...

पर्यटन राजधानी पोखराः अनुशासन र नैतिकताको सहर   

पर्यटन राजधानी पोखराः अनुशासन र नैतिकताको सहर   

वि.सं.२०८१ जेठ १६ बुधवार २०:३८

गण्डकी, १६ जेठ : “पोखरालाई अनुशासन र नैतिकताको सहर बनाउनुपर्छ,...

स्वास्थ्य अवस्थाका कारण हाजिरी जमानीमा छुटे कैलाश सिरोहिया

स्वास्थ्य अवस्थाका कारण हाजिरी जमानीमा छुटे कैलाश सिरोहिया

वि.सं.२०८१ जेठ १६ बुधवार २०:२२

काठमाडौं । कान्तिपुर मिडिया ग्रुपका अध्यक्ष कैलाश सिरोहिया ९ दिनपछि...

विश्व कीर्तिमानी कायम गर्न कालापत्थरमा रेस्लिङ   

विश्व कीर्तिमानी कायम गर्न कालापत्थरमा रेस्लिङ   

वि.सं.२०८१ जेठ १६ बुधवार १८:३८

कालापत्थर (सोलुखुम्बु), १६ जेठः विश्वकै अग्लो स्थानमा रेस्लिङ खेलेर कीर्तिमानी...