काठमाडौं । मकवानपुरको भीमफेदीस्थित चुरिखेतमा निजी टाटा भ्यान दुर्घटना हुँदा दुईको मृत्यु भएको छ अन्य घाइते भएका छन् । एक बालिका भने उछिट्टिएर बाँच्न सफल भएकी छिन् ।
प्रहरीका अनुसार घटनास्थलमा एक जनाको मृत्यु भएको र अर्को एक जनाको उपचारका लागि लाने क्रममा मृत्यु भएको हो । घाइतेहरुको उपचारका लागि हेटौंडा पठाइएको छ । मृत्यु हुनेमा एक महिला र एक प्रहरी भए पनि उनीहरुको अझै सनाखत हुन नसकेको प्रहरीले जनाएको छ ।
गाडि सडकबाट झण्डै पाँचसय मिटर तल खसेको थियो गाडि खसेको देखेपछि सोही मार्ग हुँदै आइरहेका राप्रपा नेपालका अध्यक्ष कमल थापा र उनको सुरक्षाकर्मीले घाइतेहरुको उद्दार गरेका थिए ।
काठमाडौंबाट हेटौंडातर्फ जाँदै गरेको बा ३ च ९२८९ नम्बरको निजी गाडी दुर्घटनामा परेको हो । गाडि दुघर्टना भएको थाहा पाएपछि स्थानीयहरु पनि उद्दारमा जुटेका थिए ।
तस्वीरः राजाराम बर्ताैलाको फेसबुकबाट
प्रकाशित मितिः २०७३ मंसिर ४
वि.सं.२०७३ मंसिर ४ शनिवार १३:११ मा प्रकाशित
