काठमाडौ । अमेरिकी राष्ट्रपति डोनाल्ड ट्रम्पको आगमनसँगै लगातार घटिरहेको सुन बजार यो साता अझै घट्ने अनुमान गरिएको थियो । तर आईतबार सुनको भाउ तोलामा ३ सय रुपैंयाले बढेको छ । शुक्रबार ५४ हजार २ सय रुपैंयामा किनबेच भएको छापावाला सुन आईतबार ५४ हजार ५ सय रुपैंयामा किनबेच भएको नेपाल सुनचाँदी व्यवसायी महासंघले जनाएको छ । यस्तै तेजावी सुन प्रतितोला ५४ हजार २ सय ५० रुपैंयामा किनबेच भयो ।
आईतबार चाँदीको भाउमा पनि १० रुपैंयाको परिवर्तन देखियो । यसदिन चाँदी प्रतितोला ७ सय ८५ रुपैंयामा किनबेच भयो । गत शुक्रबार भने चाँदी प्रतितोला ७७५ मा किनबेच भएको थियो । यता, यो साताभर सुनको भाउ घट्छ भन्ने व्यवसायीहरुको पूर्वानुमान रहेको थियो । साँच्चै व्यवसायीको अनुमान सहि सावित होला या गलत त्यो त सोमबारको बजारलाई नै कुनैपर्छ ।
प्रकाशि मिति २०७३ मंसिर १२
वि.सं.२०७३ मंसिर १२ आइतवार १५:४६ मा प्रकाशित
